Popular Bible Verses from San Mateo 19

Deildu

Simongbat si Jesus ja kowan to ey, “Agpayson eg kabaalan ni toon mengisedakan ni bakdang to shorog, nem si Apo Shiyos, mebedin to tep kabaalan ton emin.”

Isonga aliẃen showa ma, no diket saksakey. Inpansaksakey nen Apo Shiyos i san‐aseẃa, isonga enshiy nebeng ni toon mengisi‐jan ni aseẃa to.”

Si Jesus, sinongbatan to ira ja kowan to ey, “Apay eg jo aya binasa sota esel nen Apo Shiyos ja naysolat nonta bayag da ja kowan to ey, ‘Manshoki nonta pilmiro, pinalsowa nen Apo Shiyos i daki tan bii.’ Tan ẃaray inkowan to pay nonta bayag da ey ma‐alsa sota daki so nen ameto nen ineto et may‐a‐shom so nen aseẃa to. Jet sota showen bakdang, may‐eshig ma ey nansaksakey.

Nem si Jesus, kowan to ey, “Baybay‐iyo ira di sota a‐anak ja ondaw ali son si‐kak, karejo iparit. Tep inges iren jay ya a‐anak ja ekombaba i mayda‐kam shi pantoshayan nen Apo Shiyos.”

Nem eshakel ira sota kowan sha ey si‐karay mandesin i eẃaten sha, nem ootik kari. Nem ẃara et ngo mowan i kowan ni karakdan ey ootik i eẃaten sha, nem eshakel kari.

Jet ikowan ko son si‐kayo, no sipay engilekjas ni baley to, a‐aki to, annak to, bo‐day to, ono sota maka‐anak son si‐kato, kabol ni inpamati to ni bilin ko, ebadbadeg ga pasiyay eẃaten to ja angken mansandasos, tan kon‐oren to pay i biyag ja enshiy to engintegan.

Simongbat si Jesus mowan ja kowan to ey, “No piyan mo ja enshiy mo pankodangan, ilekom ira sota kokowam jet sota dako to, i‐kan mo so nonta ira nankebiteg. No sajay i pesing mo, say kawad‐an ni kabaknang mo ma, naytalo shi dangit. Jet no meksheng nga sotan i pesing mo, kay‐eshom ka di so ira niya took!”

Sinongbatan nen Jesus ja kowan to ey, “Apay nga mansedodsod ka son si‐kak ni maypangkep ni mapteng? Amtam met ta saksakey ja si Apo Shiyos bengat i mapteng. Isonga no piyan mon meẃad‐an ni biyag ja enshiy to engintegan, patim sota bilin to.”

Sota animal ja kowan sha ey camel, no kas‐anoy kalikat to ja on‐osok shi ebot ni shakom, mas edigdigat pay ya onsekep i bebaknang shi pantoshayan nen Apo Shiyos!”

Jet niman, ikowan ko son si‐kayo ey sota dakin mengisi‐jan ni aseẃa to, ey eg ekileki sota bii, nanbasol ja inges to sota emii no mengesawa mowan ni apil la bii.”

Jet si Jesus, kowan to so nonta ira too to ey, “Edigat so ni baknang ja onsekep shi pantoshayan nen Apo Shiyos!