Popular Bible Verses from Ntandiliko 15

Deildu

Ablamu nkunkulupila Yahwe, na kwa kutenda uchocho Yahwe nkummalangila kuva wambone pameho pake.

Bada ya kupita mambo anelo, Yahwe nkutangola na Ablamu mwindoto kuchidoni, “Ablamu unayope, kwa kuva, nangu njo nikuchûnga wako. Na inudyo yako ìmbekuva ing'ulu namene!”

Bahi Yahwe nkunhumya panda Ablamu nkunnyaulila kuchidoni, “Lola meho lako kumahunde udivalange dinondwa ikàva muhiu uchiuhulule kudivalanga!” Nkunnyaulila kavila kuchidoni, “Vanu va nnukolo lwako vàmbekuva muchi anedyo dinondwa dyudyona!”

Bahi Yahwe nkutangola kavila na Ablamu kuchidoni, “Aneyo ntumishi nanga pambetwala mapala lako! Henga mwana umbemmalêka wako umwene, aneyo njo ambetwâla mapala lako.”

Yahwe nkunnyaulila Ablamu kuchidoni, “Bahi umale kuva, muhiu vanu va nnukolo lwako vàmbekuva vamidi nchilambo chikávele chavo, vàmbejuhwa kuva vatumwa na vàmbebanihwa namene kwa vyaka myanne.

Henga Ablamu nkuyang'ula kuchidoni, “Nang'olo Yahwe, balaka anedyo dìmbengukatapalila chani nangu nikavèlè na mwana? Eliezeli, munu wa ku Dameski njo ambetwâla mapala langu.

Liduva anelyo Yahwe nkutenda lilailano na Ablamu, nkuchidoni, “Chilambo achino nìveng'a vanu va nnukolo lwako, kutandikila kulipalu lya ku Misili mpaka kumuto aula nkulungwa wa Eflati

Bada ya vanu va nnukolo lwako kuva vatumwa kwa vyaka myanne, vàmbeuya nchilambo achino, kwa kuva, mmahiku anelo lavambeuya, mambo lahakalenge la Vaamoli làmbekuva lahwikidìlè muuhiku uvalembelewa kwasibiwa.”