Popular Bible Verses from JON 21

Deildu

Bulv dvxo kokw so Jisu Simon Pitornvn toxnum, “Jonwg ko Simon, no ngam hog mwlwngam hilayab abydvn i?” Mwv birwqnum, “Vv, At Sw, no ngam cengdwn ngo nam abydvn.” Jisu mwam benum, “Ngoqg sviya ko tulungam hoodeqto.” Lwnyi dvb Jisu mwam toxnum, “Jonwg ko Simon, no ngam abydvn i?” Mwv mwam birwqnum, “Vv At Sw, ngo cengdwn nam ngo abydvn.” Jisu mwam benum, “Ngoqg sviyangam hoocuml yvgto.” Jisu luum dvb mwam toxnum, “Jonwg ko Simon, no ngam abydvn i?” Ho Pitor mwam luum dvb tox ko-gab mwwr busu banv Jisun birwqnum, “At Sw, no hog mwlwngam cengdo; ngoqg nam abynam no cengdo.” Jisu mwam benum, “Ngoqg sviyangam hoocuml yvgto.”

Ngo jvqtw jaqb bekin dvn, “No yaapa yikho noqg vjam no atv koox koorw tvl mwwtaqb noqg wb mwwkub wnum. Hvbmabde hwdlo no nyekam yukun, noqg alaqngam irab jitwl nyi asaqkv nam koox koorw mvtwl, hoo noqg wb mwwma kob nam bool wgtayin.”

Ho mwv bulam benum, “Nulug wswq ham swp lvqbwq taqc boso hurlwqto, hoo nulv meeg hurpa tayin.” Bulv wswngam hurlwqnum, kokw so bulv nguiyv vijaqg hurtu yukam seelin nyomab nyiknum.

Simon Pitor bulam benum, “Ngo ngui mengtab wdeen.” Bulv mwam benum, “Ngulv kam noqg lvgab wtayin.” Ho bulv wbnv swp golo caonum, hvbmabde bulv ai yupw hog akkam nootu maanum.