Popular Bible Verses from JON 2

Deildu

Galili gvdag Kanaho soq si, otuqcob Jisug swrdorxeqb nyinamv; hoqho mwv mwwg yuugnam mam kaakinum, hoo mwwg buu tulungv mwam mwwjwnum.

Jisu mwnwn birwqnum, “Nyem, hoq doomanam mam ngoqg lvgab hognvkv nyisv doodwn, “Ngoqg moodv sija godab hvvc maata.”

Jisu nyera tulungam benum, “Soq uppum torab so iss loq toolwqto.” Bulv uppum torab pam issiv gamb hv yirt kvl dvb bwlwqnum. Kokw so mwv bulam benum, “Sija iss meegin suqlin gvdwl soq durum namsam kaaya bo nyi akam jita.” Bulv mwam bva jinum

Jisu bulam birwqnum, “Nulv soq xumk nam sam saxia to hoo ngo samnvn aal loum mam lokta nit dvb mvdar tayin.”

Hoo mwv tanam pvvkwql agaqtvl nyi tulungam jwwnv sviya hoo svv mwlwngam xumk nam hoqgv ruqlin kunum. Mwv twngk kwlibog tebolam ngurkub ngurxeq dvb mvnv twngk kabaram yvqciq-yvqywl mvnum. Hoo pukum puqn boam benum. “Hoq dupum-dvrab tulu ham soqkv naapaqto! Ngoqg Abwg nam mam kwm-kor mvk haty namgob mvmab!”