Popular Bible Verses from San Lucas 14

Deildu

--Oime ramo oúva che rendápe, ha ohayhuvéva itúvape, isýpe, hembirekópe, ta'ýra kuérape, tyvýra kuérape, teindýra kuérape, ha oguekove jepe, ndaikatúi oiko che remimbo'e ramo.

Ha pe ohupi'ỹva ikurusu ha ou'ỹva che rapykuéri, ndaikatúi oiko che remimbo'e ramo.

Pe oñembotuicháva ojupe, ojerereko vaerã mba'evéramo; ha pe oñemomba'evéva ojupe katu, oñembotuicha vaerã.

Ha upéicha, oimeraẽva peẽ kuérava oheja'ỹva opaite oguerekóva guive, ndaikatúi oiko che remimbo'e ramo.

¿Mávapa peẽ kuérava omopu'ãse ramo peteĩ torre, ndoguapy raẽi oipapa mboýpa ohupitýta ichupe, ha ohecha oguerekópa ojapopa haguã? Ani omoĩ rire hendaguã, ha ndaikatúigui ojapopa, opavave umi ohecháva oñepyrũ oñembohory hese he'ívo: “Ko kuimba'e niko oñepyrũ omopu'ã, ha ndaikatúi ojapopa.”

Upéva rangue, rejapo ramo karu guasu, econvida uvei mboriahu kuérape, umi ijyva'ỹvape, ikarẽvape, ohecha'ỹvape; ha revy'a eterei vaerã, umíva ndoguerekói ombyekovia haguã ndéve; opáichavo, oñembyekovia vaerã ndéve umi imarangatúva oikove jevyha árape omano va'ekue apytégui.

‘Iporã niko pe juky; opáichavo, pe juky jepe oñembo'ay ramo, ¿pa mba'épe oñemohe'ẽ jevýne? Naiporãi yvýpe guarã, ha ytýpe guarã upéichante avei; oñemombo haguã okápe mante. Ijapysáva ohendu haguã, tohendu.