Popular Bible Verses from SAN LUCAS 22

Deildu

Aptahak axta se'e: “Táta, apmenyék agkok xép, hényókas ko'o s'e seklegeykegkoho ekyetchesamaxkoho nak aksok ekmáske negyal'a; momenyék ko'o kalanaxchek ma'a sekmámenyého ahagko' nak, wánxa m'a apmopmenyého nak xép.”

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.

Keñe axta apma anhan pan, apmések axta ekxeyenma apwáxok Dios, apyepteyk axta, apkelmeyásegkek axta anhan apkeltámeséyak. Aptahak axta apkeláneya s'e: —Keso sekyókxoho ko'o s'e, sekmésa nak yakwayam watsapok kéxegke eñamakxa. Kólteme sat mehelwagkayam ko'o.

Hawók axta anhan aptemésesakxa egheykok natámen aptéyak. Aptahak axta s'e: —Keso egheykok ekteme ekhémo mók nelpakhetchásamáxkoho xamo' Dios, ektaha nak éma ahagkok ekteméseso ekmámnaksoho, cháxa ekyegkenáxko nak yakwayam kapasmok kéxegke.

Apwaskápekxók axta aptaha nempeywa nelmaxnagko Jesús neyseksa ekyawe aplegeykegkoho, kelsekkenánteyk axta apyemes, máxa axta entahak ma'a ektémol'a kasekkenek éma náxop.

Akke keyméxchek katnehek kélnepyeseksa kéxegke xa ektaha nak. Enxet ekyawe nak kéláyo, kéméxchek exnésakpohok wokma'ák, keñe m'a énxet ekha nak apkeláneykha, kéméxchek exnésakpohok ma'a kélásenneykhal'a.

Aptahak axta apchátegmowágko Jesús se'e: —Pedro, ektahak seyáneya exchep se'e: sakhem sat katnehek antanxo mexeyenma exchep sekwesey amonye ekpáwá tat'a, exének sat mehey'ásegkok exchep.