Popular Bible Verses from MATEO 4

Deildu

Ra Jesúz bêndzab: ―Lo Guehtzy ru queꞌ xtiidz Dioz neu: “Dac‑e nunzy no paṉ rbahñ meññ, zehg rbahñ meññ no gyre diidz ni rnii Dioz.”

Ra Jesúz leeme: ―Byruu de neꞌ, bêndzab, porni lo Guehtzy ru queꞌ xtiidz Dioz neu: “Bzacbeeiy Dioz ni rtzoo mdad lii, no ptzoo nunzy ni ne me.”

Ra Jesúz leeme: ―Zegahc‑e lo Guehtzy ru queꞌ xtiidz Dioz neu: “Di gnabiꞌ behch lo Dioz ni rtzoo mdad lii nunzy par güieꞌy bâḻ ctzoo me ni neꞌy.”

Luxu güiyno xiSpirt Dioz Jesúz lo yu-bihdzy ru nehx nu meññ, lehdy güieꞌ bêndzab bâḻ beeiy nquihly me Jesúz ntzoo mod-ne me. Güyuꞌ Jesúz uga cuarent dzé no cuarent guiaal no nehx güdahgü me mbehty, no byluxu bylahn me.

No ra Jesúz leeyâme: ―Lâ te náḻ laꞌd naa, no naa ctzon laꞌd meññ ni guidno zrieñ yahc ni gac dmeññaꞌ. No psaꞌn gahc yâme xgueshmbaḻ yâme, no za yâme no Jesúz.

No guzlo gahc Jesúz gaya me meññ: ―Lâ csaan ni nahcsy ni nac laꞌd, porni ba bydziñgahsh dze-ctzoo Dioz mdad neꞌ.