Popular Bible Verses from San Marcos 1

Deildu

Achin gue̱rengaꞌ nachi Jesús hua ru̱miꞌ gue̱. Ni̱ gahui sij ne̱ꞌ xe̱ꞌ xumanꞌ daj ganꞌanj sij quij quiꞌyanj na̱co ga̱chinj jniꞌyaj sij rian Yanꞌanj.

Ni̱ gataj Jesús: ―Hua guisíj gahuin ni̱chrunꞌ güi gui̱nicaj sun Yanꞌanj xungüi̱ nan. Xiꞌí daj ni̱ na̱nicaj ruhua á re̱ꞌ xiꞌí si-ga̱quinꞌ ni é re̱ꞌ. Ni̱ gu̱xuman ruhua á re̱ꞌ ni̱ꞌyaj á re̱ꞌ si-nu̱guanꞌānj huin nuguanꞌ sa̱ꞌ aj. ―Daj gataj Jesús rian ni ngüi̱.

Ni̱ ngaa gahui Jesús chruhua nnee, ni̱ guiniꞌi sij naxiꞌni̱j xataꞌ. Ni̱ guiniꞌi sij sisi̱ ꞌna̱ꞌ guinij Espíritu Santo rian manꞌan sij. Ni̱ da̱j rúnꞌ hua xuꞌma̱n hua Espíritu Santo gaꞌna̱ꞌ rian sij. Ngaa ni̱ ne̱ꞌ xataꞌ gaꞌmi ꞌngo̱ nane̱ rian Jesús. Ni̱ gataj Yanꞌanj: ―Hué so̱ꞌ huin daꞌnī ꞌi̱ ruhuāj. Ni̱ hua nia̱ꞌ ruhuāj niꞌyā so̱ꞌ. ―Daj gataj Yanꞌanj gunun Jesús.

Ni̱ duguataꞌ nnee manꞌānj a ni é re̱ꞌ nga̱ nnee. Sani̱ ga̱ꞌnaꞌ sij, ni̱ ga̱ꞌnaꞌ Espíritu Santo rian án re̱ꞌ, gui̱ꞌyaj sij. ―Daj gataj Juan gunun ni ngüi̱ aj.

Ni̱ gataj Jesús gunun nu̱ngüej sij: ―Gui̱nicoꞌ nu̱ngüej é re̱ꞌ manꞌānj. Ngaa ni̱ gui̱ꞌyā sisi̱ da̱j rúnꞌ daꞌa nu̱ngüej é re̱ꞌ xucuaj, ni̱ daꞌngaꞌ daj gui̱riꞌ nu̱ngüej é re̱ꞌ tsínj gu̱xuman ruhua ni̱ꞌyaj manꞌānj. ―Daj gataj Jesús. Ngaa ni̱ ꞌngo̱ hora duna nu̱ngüej sij xinánj sij. Ni̱ ganꞌanj nu̱ngüej sij nga̱ Jesús.

Ni̱ ngaa gunun ni tsínj daj si gataj Jesús, ni̱ gahuin yanꞌanj ruhua ni sij. Daj si si-nu̱guanꞌ Jesús nicaj sun. Ni̱ sé rúnꞌ digyán Jesús da guiꞌyaj ni maestro digyán si-ley Yanꞌanj rian ni ngüi̱ mánj.