Popular Bible Verses from NJOANA 14

Deildu

“Tigwaani na ûkiri. Ndîbûtigîra ûkiri bwakwa bûra ndî, bûra bûtakari ta bûra bara barî ba nthîgûrû batiganagîra. Bûtikaanyamaare nkoro kana bûguaya.

Yiesû auga, “I niû njîra, ûmma na mwoyo. Gûtirî we athiyaga kîrî Baaba atakûrûkîîrîte kîrî niû.

Yiesû eera arutwa baake, “Bûtikaanyamaare nkoro. Îtîgiani Ngai na niû mbîtîgiani.

Kîrundu Ûmûtheru, Mûteetheeria wenu, ûra Baaba agaatûma na riîtwa rîakwa akabûrutana mantû monthe na abûririkanie mara monthe ndabûrutanire.”

“Muntû ûra eetîgagîra maathana maakwa na akamaathîkîra, ûyu n'we ambendeete. Na ûra ambendeete akeendwa i Baaba. Na niû naani nkamwenda na ndîîbonanie kîrî we.”

Naani nkaûria Baaba, na Baaba akabûtûmîra ûngî arî Mûteetheeria wenu ûra agaakaraga naabi tene na tene. N'we i Kîrundu ûra oonanagia ûmma. Antû ba nthîgûrû îno batimwîtîgîra, n'ûntû batimwonaga na batimwiyî. Îndî biû ibûkûmûmenya n'ûntû atûûranagia naabi arî ndeni yenu.

Na ûntû kinya bûrîkû bûra bûkaaromba na riîtwa rîakwa, nkabûrûthîra, i kaingo ntûma Baaba akumua. Bunthe bûra bûkaaromba na riîtwa rîakwa nkabûrûthîra bu.”

Yiesû abeera, “Weegua ibûmbendeete bûkaathîkîra maathana maakwa.

Kwa Baaba kûrî na ikaro biingî. I bio nthiîte kûbûthuuranîra. Ûkeegua t'ûmma ntibwîra ûgu.

Ndathi ndabûthuuranîra ikaro, ngaacooka mbûthûkie bûûye kîrî niû, kaingo ara ûkeegagua niû ndî wîgagua noogo biû bûrî.

Tooma, ûmwe wa arutwa baake, amwîra, “N'ata tûûmba kûmenya njîra na tûtiiyî naara ûthiîte, Mwathani?”