Popular Bible Verses from Juan 5

Deildu

“Nagasiling ako sa inyo sang matuod: ang bisan sin-o nga nagapamati sang akon pulong kag nagatuo sa nagpadala sa akon, may kabuhi nga wala sing katapusan. Indi na sia paghukman, kundi nakasaylo na sia halin sa kamatayon pakadto sa kabuhi.

Nakita sia ni Jesus nga nagahigda didto, kag nahibaluan niya nga ini nga tawo nagmasakit sa amo na nga kadugayon, gani nagpamangkot si Jesus sa iya, “Luyag ka bala mag-ayo?”

Ginatun-an ninyo ang mga Kasulatan kay nagahunahuna kamo nga sa sini inyo masapwan ang kabuhi nga wala sing katapusan. Kag ini nga mga Kasulatan nagasaksi nahanungod sa akon! Pero indi kamo luyag magpalapit sa akon agod sa pag-angkon sang kabuhi.

Si Jesus nagsiling sa iya, “Bangon ka, dalha ang imo banig kag maglakat.” Sa gilayon nag-ayo ang tawo sa iya masakit, gindala niya ang iya banig kag naglakat. Nahanabo ini sang Adlaw nga Inugpahuway.

Gani si Jesus nagsabat sa ila, “Nagasiling ako sa inyo sang matuod: ang Anak wala gid sing ginahimo nga iyaiya lamang, kundi ang iya nakita nga ginahimo sang Amay amo lamang ang iya ginahimo. Ang ginahimo sang Amay amo man ang ginahimo sang Anak.