Popular Bible Verses from Matááyo 13

Deildu

Ár gaalí eeˈd máálká álle gaa fieká he hol ki ekenyle he hát máá ˈdeeny Waaˈgiet maaleka, ˈdéé hát ˈdabaanká chichiratká. Gál hat kinaallóóllá saano midhab hí yé gáá ˈdeˈdeenká hé burnayyeká, mááká kúˈd, mááká tomon le, mááká tomon seđe.

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Máá Guch Waaˈgiet fayamle maalo-, kor ˈdéé eiy ma náásan-, ˈdeeny giri he geer ka ˈguoká Sátan hí af ki ririatká, hé kinaallá he hát ár ˈgierich af ki okoˈde-, hurum hí koeyká.

Ár giri ál waaroká les gaa ˈdaneká hélle he hát máá ˈdeeny Waaˈgiet maaleka, đo ˈdéé iiy yeget-, geer hí gaa memeetká. Tá ˈdaa giri mu ˈdeeny Waaˈgiet hidh ma ki arînyká mu hé ˈdeeny Waaˈgiet kinaallá súm ma chochony. Hééllá he ˈdaa giri ˈdeeny Waaˈgietallá gaa manyjanyle ubaa he il ká argisinyle mú ali af kí mureka, mu đo ˈdéé gíl sug ki haađuoká.

Yíésu hibéél úba gálaat geey, kieye, Guch Uratiká yaalmit ki égká he hát hé him hí ilish-, gaalí lés ˈguomiet ki kaay-, máá hí shuunatká geer hí gaa memeet-, kor geđi hí lés kinaal hurt kakaw-, tá mu seseen-, he lullé ˈguoká el gaa maaduo-, lés kinaal higiatká.

Ár giri muí ál maal hí midhabká gaa fieká ká ˈdie, hisse, ˈbaal hí kúˈd ˈdale, ˈbaal hí tomon le ˈdale, ˈbaal hí tomon seđ ˈdale.

Hayyíe! Hí hol ˈgar ˈdie, ˈjíig sííndí hí hát ˈdabaanká hito. Af giri sííndí he hí mé ˈdony yegetká gál sííndí mumuroká ha yú geđia, giri iish erkob gaalí ká babuo-, hát metoká gaalí hol ki higidho-, gaalí ˈjiet gaa vereno-, ˈguom íín gaalí ye bush kí fafuoká, muí gedelle yie, Yíésu hí gáál yie.