Popular Bible Verses from Jɔɔn 15

Deildu

Mi ale kinni alege nama a chim naŋsaŋa. Waai ale bo ale mi ate mi mɛ a bo ale wa la ale yɔni yɔna yega. Ni kan baga a nye wari ya ka mi nin bo ale ni.

Ni be kasim a bo ale mi ate mi mɛ a bo ale ni. Naŋ a kan baga yɔni yɔna ka dega, ka naŋka a nin bo kinni nyiŋ ale ka baga a yɔni. Ni dan kan bo ale mi ni kan baga a nye wari ya.

Ni dan bo ale mi ate m wieŋa a bo ale ni, ni dan juisi jabuui ate ni a yaali la Wen ale te ni.

Daa nama ale lueri mi, alege ka mi ale lueri nama ayen ni a yɔni yɔna ate yɔnaŋa a boro ate dii meena ate ni a bek Kowa mi yuenni nyiŋ la, wa le te ni.

Nuru ka yaali kpieŋ a gaam ka de, ate waai a zaani wa doaba naŋkula po a kpi a te ba.

Wa nyiem a kasim a gebi naŋ sii ale kan a yɔni la a basi kama ale a gebi sii ale a yɔni la a magsi chaab ate si a yɔni yɔna yega.

<<Sinsak paali ate mi a yaali ayen ni va di. Ni a yaali chaab ase mi a ale yaali ni diila.

Ni dan a yɔni yɔna kula ale sak ayen ni ka mi ŋaaŋviirɔba ate m Kowa a nya zula.

<<Mi a nye se ka tiib la. Mi Kowa mɛ ale a nya tiimu zuk la.

Waai ale kan bo ale mi la m Kowa ale gebi wa a basi ase tiib naŋsa la, naŋ sila a dan ko ba tigsi si kama a nyo bolim po a ju.

Wieŋa de meena mi a biisi ale ni kama ayen m suipeentika a bo ni po, ate ni suipeentika a zuak.

Ni dan ta m wieŋa, ni le bo m yaalika po ase m le ta m Kowa wieŋa abe m bo wa yaalika po.

Dii ate mi a weeni ni la ale ni a yaali chaab nalimnyiini.

Ase ni dan ka tɛŋzuk de dem, ka ti a yaali ni wari kama, alege ni ale kan daa tɛŋzuk de dem, alege ka mi ale lueri ni a nyini ka po la nyiŋ, dila ale soa ate ka kisi ni.