Popular Bible Verses from Jɔɔn 10

Deildu

Zue a nyiem jam kama ayen wa zu, abe wa ko, abe wa kaasi, alege mi a jam kama ayen ba nya nyuvuri abe ba bo bo maŋ.

<<Mi ale naapeerik maŋka waai ale gomsi magsi a yaali ayen m kpi piisaŋa nyiŋla.

Mi seba m piisaŋa kama ate ŋa mɛ a seba m lueluku ale a va mu

ate mi a pai nyuvuri dii ale kan ta kpeglimka la a te ŋa, ate Wen a kan ŋman a te ŋa waalika abe wa basi ŋa ate ŋa kan ta kiriya. Nuru waai an baga a fɛ a chiak ŋa mi jigiya.

Mi ale piisaŋa zɔŋku nɔnni la, baai meena ale basi ate mi a vari ba ba tuimbaata po a basi la, a nye se ka piisa ale kasim a jo ŋa zɔŋku po ale ŋman nyini a dɛ wuuk diila.

Mi ale naapeerik maŋka. M seba ŋa kama ate ŋa mɛ a seba mu.

Mi Kowa waai ale pagra a gaam jaabuuri meena la, ale pai ŋa a nyo mi nisima po. Wala dek mɛ abe kan basi ate waai a chiak ŋa mi jigiya. Mi ale m Kowa ka bunyi.>>

Mi seba m Kowa kama ate m Kowa mɛ a seba mu. Mi a potim gomsi magsi kama ale m dek yaalika ayen m kpi a te m piisaŋa.

Nuru karo a baga a ko mu ka mi dek a nin siak ate ba ko mu. M ta suik a siak alege ta suik a zɛri alege m Kowa ale weeni ayen m nye dila.>>

Nya kude nyiŋ, Yeezu yaa ŋman weeni ba ayen, <<Wensie ate mi a weeni ni. Mi ale piisaŋa zɔŋku nɔnni.

Ase ba dan pai nuru ayen wa a nya piisaŋa zuk, abe ba a tuni wa, wa kan nya ŋa nalimnyiini. Piuk a dan jam jo ŋa po ayen ku yik ŋa, naapeerik kaai ate ba pai ate wa a nya ŋa zuk la, a chali kama, ale a ge ŋa, dii nyiŋla daa wadek ale soa ŋa.

<<Wensie ate mi a weeni ni, waai ale kan va zɔŋku nɔnni a jo ale va jigi yoŋ a jo la, nuru wala ka zue ale varidɔ.