Popular Bible Verses from Luke 19

Deildu

Ahang in, Mihing Tapa, a mangsate zong ding le honkhia dinga hong pai ahi hi," a ci hi.

"Topa min-a hong pai kumpipa in thupha a ngah hi! a "Vantungah lemna om henla, a sang penna munah minthanna om ta hen!"ci-in a awng uh hi.

Jesu in ama kiangah, "Hih mipa zong Abraham tapa ahi manin tuni-in hih innsungah hotkhiatna a tung ta hi.

Tua munah Jesu a tun ciangin ento a, ama kiangah, "Zacchaeus aw, hong kum mengmeng in. Tuni-in na innah kong taam kul hi," a ci hi. Tua ahi ciangin amah kumsuk pah a lungdam mahmah in a muak hi.

Ahi hangin Zacchaeus dingto a Topa kiangah, "Topa, en in! Hih lai-ah tu mahmah in ka neihsa alang mizawngte ka pia hi. Mi khatpeuh khemin ama neihsa ka laksak leh a zah li-in ka din kik ding hi," a ci hi.

Mihonpite laka Pharisee-te pawlkhat in Jesu kiangah, "Sia aw, na nungzuite tai in!" a ci uh hi. Amah in, "Ken kong geninah, amaute dai le uh suangte kiko ding uh hi," ci-in a dawng hi.