Popular Bible Verses from John 10

Deildu

Gutate ahileh, a gu ding, a that ding le a siasak ding beka pai ahi hi. Kei ka hileh amaute in nuntakna a neih nading, adim a neih nadingun hong pai ka hi hi.

"Keimah, tuucing hoihpa ka hi hi. Tuucing hoihpa in a tuute ading a nuntakna a pia hi.

Ka tuute in ka aw a ngai uh hi; keimah in amaute ka thei-a amaute in kei hong zui uh hi.

Amaute nuntak tawntungna ka pia-a, a mangthang ngei kei ding uh hi; amaute ka khut sung pan kuamah in a lakhia thei kei ding hi.

Keimah, tua kongpi ka hi hi; kei hong tawna a lut mi peuhmah kihonkhia a ding hi. Amah sungtumin pusuakkhia dinga lonona a mu ding hi.

"Keimah, tuucing hoihpa ka hi hi; ka tuute ka thei-a, ka tuute in zong kei hong thei uh hi.

Amaute hong pia ka Pa, na khempeuh sangin lianzaw a, d ka Pa khut panin kuamah in hong sutkhia thei kei ding hi. Kei le ka pa, khat ka hi uh hi," ci-in a dawng hi.

Pa in kei hong theih bang tektekin kei zong Pa ka thei hi - tua hi-a ka tuute ading ka nuntakna ka kham hi.

Kei tung pan kuamah in hong lak khiatsak hi lo hi. Keima ut thu-a kikham ka hi hi. Keima ut thu-a kikham-theihna le lakkik-theihna thuneihna ka nei hi. Hih thupiak, ka Pa tung pana ka ngah ahi hi," a ci hi.

Tua ahi ciangin Jesu in, "Thutak kong geninah, keimah tuute adingin kongpi ka hi hi.

A kicial tuucing pen tuu neipa hi lo hi. Tua ahi ciangin keivom pai a muh ciangin a tuute nusia in a taimangsan hi. Tua ciangin keivom in tuute mana, tuuhonte a kithehthangsak hi.

"Thutak kong geninah, tuukhumna kongpi lam pan lut lo-a, mundang ah kahin a lut peuhmah, guta le misuam ahi hi.