Popular Bible Verses from Matthieu 6

Deildu

A esangidjé béh ko la, ke gaté gaté la dongor, a da karesè nèdjé nèn toï to.

Tokou ban, aridjé mèsè sangesè mbata bara ang, mbata bara a sange né la ndja. Ongou ke ndò kada ase mbata ndòè ndja.

Tokou ban ma mpa maresè, esangidjé mèsè mbata tébe losè ang, mbata a köndjé mourou di wa, aséh a kaihdjé di wa, aséh mbata da ròsè ang to, koubou di baa a koulaidjé wa? Tébe to wota mourou ang wa, ke da rò wota koubou ang wa?

Tokou i doudjou Allah, ao mè kei té loi, outou tadeo kei. Epa are Bòidjè ke éh loou kiyèè té hoi, ke Bòidjè ke wo ke loou kiyèè té hoi a kari kouka loi.

Bana edoudjidjé Allah tokou ban, Bòdjèdjè ke éh dara, Ase kare ri to madji wota toï, Are béh ko loi dé, Aredè nda né ke i ndiki ke nange nèn, tokou dèdè nda ke dara.

Aredjè bokonè, mourou lodjè ase ke ndò kada kada.

Iya né ke madjang lodjè, Tokou djèdjè djïya né ke madjang ke dooudjé da kedjè to.

Aredjè ta kao loou kere té ang, A òroudjè dji ndjè kembaa té, Mbata béh ko, ke singa, ke ndokoo, to loi ke ndò ke ndò, Amen.

Mbata tokou sésè ïyaidjé né ke madjang lo dooudjé, Bòsésè ke dara a kïya né ke madjang losè to.

Woidjé eldjé ke ï tarr, dèdè ndoubou kandé ko ang, dèdè doudja ang, dèdè dongou kandé mè dam té ang to, a Bòsésè ke dara aredè mourou. Sésè madji wotaidjédè ang wa?

Mbòidjé né kinga mbata losè ndja do nange té nèn ang, loou ke ndirbòrou ke mbòrkasè toudjoudè, loou ke ndjè boukoudjé ao kendé ta boukou. A mbòidjé né kinga mbata losè ndja ke dara, loou ke ndirbòrou aséh mbòrkasè toudjou ang, ke ndjè boukoudjé ao kendé ta boukou ang. Mbata loou té ke né kinga loi to kendé, mei a to kendé to.

Doou kada ase ta da ke ebèèdjèdèdè djo ang, mbata nè na mbeté yéh ke kada ke na ndiki marè, aséh nè na da kare yéh ke kada madji, ke nè na ko tar lo marè ang. Sésè asidjé da mbata Allah ke mbata narè djokem ang.

Tokou Allah da né ke koura ban are mou ke mè ndòò té, ke to to né ke bokonè, ke bara da kila pouro, nè na koulasè koubou wota nya ang wa, sè dooudjé ke ndjè ko mè tédjé ngadji?

Tokou i are né kare ba, are dji ke gèl geré né ke dji ke kòl da ang. Baa ta kare né kare ba loi to ke loou kiyèè té hoi, ke Bòidjè ke wo ke loou kiyèè té hoi, a kari kouka loi.

Ngemidjé madji mbata sésè edaidjé koula ke madji nò dooudjé té ang, ta kare dèdè do, mbata tokou ban sésè a kingaidjé kouka dji Bòsésè té ang ke éh dara.

Tokou sésè ïyaidjé mourou, are ongou da kemsè ang tokou lo ndjè ngemdjé, mbata dèdè nda kemdè dang dang ta kare dooudjé wo dèdè dïya mourou. Tokoro ma mpa maresè, dèdè dinga kouka lodè mbä. Tokou i ïya mourou, ndem oubou dòi té, etoko kemi, Ta kare dooudjé geré tar kïya mourou loi ang, a ta kare Bòidjè ke éh loou kiyèè té hoi wo, ke Bòidjè ke wo ke loou kiyèè té hoi a kari kouka loi.