Popular Bible Verses from ಮತ್ತಾಯ 18

Deildu

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಿ ದಂಡ್‍ಮೂಂದಾಳ್ ನಾಡ ಪೆದತ್‍ಲ್ ಕೂಡಿ ಬಪ್ಪ, ಅಲ್ಲಿ ಅಯಿಂಗಡ ಮದ್ಯತ್‍ಲ್ ನಾನ್ ಇಪ್ಪೀಂದ್ ಎಣ್ಣ್‌ಚಿ.

ಇದ್‍ಲ್ಲತೆ ಬೂಲೋಕತ್‍ಲ್ ದಂಡಾಳ್ ಕೂಡಿಯಂಡ್ ಒರ್ ವಿಷಯಕಾಯಿತ್ ಒರೇ ಮನಸ್ಸ್‌ಲ್ ದೇವಡ ಪಕ್ಕ ಬೋಡ್‌ನಕ, ಪರಲೋಕತ್‍ಲ್ ಉಳ್ಳ ನಾಡ ಅಪ್ಪ ಅದ್‍ನ ಅನ್ನನೆ ಮಾಡ್‌ವಾಂದ್ ನಿಂಗಕ್ ಎಣ್ಣ್‌ವಿ.

ಯೇಸು ಒರ್ ಚೆರಿಯ ಕುಂಞಿನ ಕಾಕುವಂಜಿ ಅಯಿಂಗಡ ಮಿಂಞತ್‍ ನಿಪ್ಪ್‌ಚಿಟ್ಟತ್. ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ: ನಿಂಗಡ ಮನಸ್ಸ್ ಬದ್‍ಲಾಯಿತ್ ಈ ಕುಂಞಿರನೆಕೆ ಆಕತಪೋನಕ ನಿಂಗ ಪರಲೋಕ ರಾಜ್ಯಕ್ ಪೋಪಕ್ ಕಯ್ಯುಲೆ.

ಆನಗುಂಡ್ ಒರ್ ಚೆರಿಯ ಕುಂಞಿರನೆಕೆ ದಾರ್ ಒಬ್ಬ ಅಂವೊನ ತಗ್ಗ್‌ಚಿಡ್‌ವ, ಅಂವೊನೇ ಪರಲೋಕ ರಾಜ್ಯತ್‍ಲ್ ಎಲ್ಲಾಕಿಂಜ ಬಲ್ಯಂವೋಂದ್ ಎಣ್ಣ್‌ಚಿ.

ಇನ್ನನೆ ಒರ್ ಕುಂಞಿನ ದಾರ್ ನಾಕಾಯಿತ್ ಸ್ವೀಕಾರ ಮಾಡ್‌ವ, ಅಂವೊ ನನ್ನ ಸ್ವೀಕಾರ ಮಾಡ್‍ನನೆಕೆ.

ನಿಂಗ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿರೋ ಅದ್ ಪರಲೋಕತ್‌ಲೂ ಕೆಟ್ಟಿತ್‌ಪ್ಪ. ನಿಂಗ ಈ ಲೋಕತ್‍ಲ್ ಎಂತಾನ ಉತ್ತ್‌ವಿರೋ ಅದ್ ಪರಲೋಕತ್‍ಲ್ ಸಹ ಉತ್ತಿತಿಪ್ಪಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಇನ್ನನೆ ನಿಂಗಳು ಸಹ, ನಿಂಗಡ ಅಣ್ಣತಮ್ಮಣಂಗ ಮಾಡ್‍ನ ಪಾಪತ್‍ನ ನೇರಾಯಿತ್ ಮನ್ನಿಚಿಡತ ಪೋನಕ, ಪರಲೋಕತ್‍ಲ್ ಉಳ್ಳ ನಾಡ ಅಪ್ಪ ಇನ್ನನೆ ನಿಂಗಕ್ ಸಹ ಮಾಡ್‌ವಾಂದ್ ಯೇಸು ಎಣ್ಣ್‌ಚಿ.

ಆಚೇಂಗಿ ನಾಡ ಮೇಲೆ ನಂಬಿಕೆಯುಳ್ಳ ಈ ಚೆರಿಯಯಿಂಗಳ ದಾರ್ ನಾಡ ಮೇಲೆ ನಂಬಿಕೆ ಇಲ್ಲತ್ತನೆಕೆ ಮಾಡ್‌ವ, ಅಯಿಂಗಡ ಬೋಳೆಕ್ ಬಲ್ಯೊರ್ ಬೀಜುವ ಕಲ್ಲ್‌ನ ಕೆಟ್ಟಿತ್ ಸಮುದ್ರತ್‍ರ ಆಳತ್‍ಲ್ ಅಂವೊನ ಮುಳ್‍ಕ್‍ವದ್ ಅಂವೊಂಗ್ ನಲ್ಲದಾಯಿತ್‌ಪ್ಪ.

ಒರ್ ಮನುಷ್ಯಂಗ್ ನೂರ್ ಕೊರಿಯ ಇಪ್ಪಕ, ಅದ್‍ಲ್ ಒರ್ ಕೊರಿ ತಪ್ಪ್‌ಚಿಟ್ಟಂಡ್ ಪೋಚೇಂಗಿ, ಅಕ್ಕ ಅಂವೊ ಬಾಕಿ ತೊಂಬತೊಯಿಂಬದ್ ಕೊರಿಯಳ ಕುಂದ್‌ರ ಪಕ್ಕ ಬುಟ್ಟಿತ್, ತಪ್ಪ್‌ಚಿಟ್ಟ್ ಪೋನ ಒರ್ ಕೊರಿನ ತ್‍ೕಡ್‌ವಕ್ ಪೋಪ್‍ಲೆಯಾ? ನಿಂಗ ಎಂತ ಗೇನ ಮಾಡ್‌ವಿರ?