Popular Bible Verses from ATITI AWM ANGCHEI NAI 3

Deildu

Neampachy ly thengthai keung i apu nai sai, thengthai athai py cha ai paleung ka-no awm nai sai mei y niu bo. Huni khyh ny y, tau cheng naira awm baly mana tanrei hawi ai mo, nanai dawn nai hawimy athai jaw iy cha vui nai ne. My i juvo ai py pei i, ni py cha teang.

Tameuh my sa nai tawnbawi cheaungkhangchi theung y, pavui ly li-tapawp naira y cheng keh nai ne. Pavui my neampachy teng y, “Tameuh my akho theung i thengthai athai cheaungkhangchi cha ai nai tlo y, ang napi nai ly ne khyp a?” napi.

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

Naibaly Tameuh my neampachy teng y, “Deaungdi aniu nai khala patang ai nai, deaungdi tapen nai khala y py khri pa-rei patang hai ai. Nang ly juvo i kangai awm iy, juvo i anui y leu tangai naimy awm jojo ai nai tla,” napi.

Nang ai sa nai khaileaung y ali teang y ryrei ly ka-ui leaung pa-rau na pa-rei akawm parai naimy kalop sa iy cha ai nai tla ai. Nang ai khaileaung hawi sa nai ne i, khaileaung lawm ali teang ai,” napi.

Naibaly Tameuh my neampacho teng y py, “Nang ly aju i leu tangai iy kai my cho moh kang napi nai thengthai ly cha lawh nai deaungkho y khaileaung ly nangmy i vui amsawi lawi bo. Nang ly kajeu ka-rei ka-leu nga ai nai nangmy deungrei patang parai naimy kalop sa ai nai tla.

Tameuh my, “nangni ly tlang ka-keu naimy awm, nanai ami my ang thui pi mo? Kaimy cho moh, kang napi nai thengthai athai ly cha hawi bo lo-oh?” napi.

Naibaly hengra dengkeaung sahawi y ami py ahai pajau y ai nai, amlang nanai mai haisau hawi Kherubenchi ai akho nisi ngan mang y tamcheaung amo hai bo.

Adam my aju ai ly Evi, nanai amyn pathi; ati mana nai mo nabaly mymy ly khumi bawibawichi i amhm lawm nai deaungkho y ne.