Popular Bible Verses from मरकुस 13

Deildu

नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर आरिम जनमजुग ही दंडे ती बछर'ओर।

नीम एंग्‍है बरना बेड़न बलदर, औंगे नीम एंग्‍है बरना ही पाब ऎरना नू सपड़ारका र'आ।

इकला निमन हें'अरकी पंचायत नू सोंप'ओर, होले नीम मुन्‍द ती अमके सोच'आ का ऎम एन्‍देर ब'ओम। लिकिन निमन एन्‍देर ब'अना र'ई अदिन आ बारिम तेंगतार'ओ, अदिन नीम ब'अके। एन्‍देरगेका ब'ऊ नीम मला नेम्‍हा बॊलतस हवे।

मेर्ख़ा अरा ख़ॆख़ेल छपर'ओ कालो, लिकिन एंग्‍है कत्‍था इकला हूँ मल बदलार'ओ।

एंग्‍है बरना उल्‍ला ही पत्त नू धर्मे बंगासिन अम्‍बरकी नॆ हूँ बलनर। ऎन ख़द्दन अरा मेर्ख़ा ता पैकर हूँ आ बेड़न बलदम।

इकला नीम लड़ाई अरा लड़ाई ही हलन मेनोर होले अमके बयार'आ। एन्‍देरगेका इबड़ा कत्‍था मन्ना चाड़ र'ई, लिकिन मुंज्रना बेड़ा लॆम मल बर'ओ।

अन्नेम नीम एंग्‍है बरनन जॊहचका र'आ। नेख़‍ओन ऎन पुतबारी महले अधरात माख़ा नू महले ख़ॆर चींख़ो बारी महले बिजबेड़ा नू बर'ओन। उर्मी बारी सपड़ारका र'आ, मला होले ऎन आचका बर'अरकी निंगन बिगर सपड़ारका ख़क्‍खोन। ऎन एकदन निमन ब'अदन, अदिन ओर्मारिन ब'अदन, ‘एंग्‍है बरना ही पाब ऎरना नू सपड़ारका र'आ’।”

ओन्‍टा जातियर नन्ना जातियर ही बिड़दो नू, अरा ओन्‍टा राजी नन्ना राजी ही बिड़दो नू लड़ाई गे चो'ओ। ख़ॆख़ेल नू कैनो अड्डा नू ख़ॆख़ेल नुकुरना मनो, अरा एन्ने ख़ॆख़ेल नू अड्डा अड्डा अकाल मनो। लिकिन ईद गा खिलपत ही ऒरे मन्ना लेका हवे अरा अउरिम कोड़हे सस्‍ती बरना र'ई।

लिकिन ख़ॆख़ेल ही मुंज्रना ती मुन्‍द दौ कत्‍था उर्मी जातियर गे मेन्‍त'अना र'ई।

नगदे आलर एंग्‍है नामे ती बर'अरकी ब'ओर, ‘ऎन मसी हिकदन’ एन्ने ब'अरकी आर नगदे आलारिन ठक'ओर।

लिकिन इकला इबड़ा मनो नीम चिहुंक ती र'अके। आलर निमन हें'ओर हो'ओर, अरा पंचायत नू चि'ओर, अरा नीम गोड़हा एड़पा नू लौर'ओर। नीम एंग्‍है चड्डे राजीख़ापुर अरा बॆलर ही मुन्‍द इजतार'ओर। एन्‍देरगेका नीम एंग्‍है गने चॊंख़्र'‍उर हिकदर। लिकिन ईद निमा गे एंग्‍है पत्त नू आरिन तेंगना ही मोका मनो।

एन्‍देरगेका जोक्‍कोर फसक‍ट'ओर ती ऎन मसी हिकदन ब'ओर अरा जोक्‍कोर फसकट'ओर ती ऎन धर्मेसी कत्‍था तिंगुर ब'ओर। अरा बेड़ाब'आ गे आर चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

अबड़ा उल्‍ला नू आ सस्‍ती ही ख़ॊख़ा, ‘बीड़ी अरा चन्‍दो मल रफ'ओ, अरा मेर्ख़ा ती बीनको खत्तर'आ हेलर'ओ, अरा धर्मेस मेर्ख़ा नू र'ऊ उर्मी आलॊन नुक'ओस।’