Popular Bible Verses from लू‍कस 17

Deildu

ख़ने येसुस आसिन बाचस, “चो'आ, कला। नीन एंगन पत्ताचकय आदिम निंगन नाड़िया।”

अरा आस ओन उल्‍ला नू सात हॆल निंग्‍है बिड़दो नू पाप नन्‍दस ती सातो हॆल निंग्‍है गुसन बर'अरकी ब'अदस, ‘ऎन खोबरारदन जियन किर्त'अदन’ होले हूँ आसिन छमा नना।”

तहाँ अबड़र ती ओर्तोस ईरियस का “ऎन कोड़े मंजकन केरकन।” आस येसुस गुसन किर्रियस ती जॊर ती धर्मेसी ओहमा नंजस। अरा येसुसी ख़ेडमूली खत्तरस ती आसिन धन्‍यवाद नंजस। आस समारिया ता आलस रहचस।

चिहुंक र'आ, निम्‍है भईस पाप नन्‍दस होले आसिन बुझा ब'आ, अरा आस खोबरारदस ती जियन किर्त'अदस होले आसिन छमा नना।

ख़ने येसुस बाचस, “एन्‍देर दसो झन कोड़े मल मंजर, होले अबड़ा नौ झन एसन केरर?

उर्बस बाचस, “निमा गे ओन्‍टा मनी बिहनी लेक्‍खा पत्त'अना रहचका होले हूँ, नीम ई तुंती मन्नन ब'ओर, ‘नीन चड़र'अय ती समुदर नू इदर'अय कलय’ होले आद निम्‍है पॆसकन मन'ओ दने।”

नॆ तंग्‍है उज्‍जनन तंगा गे बने बछाब'अरकी उइय्या गे बेद्ददस आस धर्मेस गने जनमजुग ही उज्‍जनन एबस'ओस। अरा नॆ तंग्‍है उज्‍जनन चि'ओस आस धर्मेस गने जनमजुग ही उज्‍जनन ख़क्‍खोस।

फिन येसुस तंग्‍है चेलारिन बाचस, “पाप नन्ना ही चिबाख़ारना गुट्ठी बर'ओ दिम। लिकिन ओहरे अबड़ा नॆखा ती बर'ई। एका आलस ई सन्नी ती एक‍अम ओर्तोस गने पाप ही नंगु मन्‍दस, आसी ख़ेसेर नू जतन हें'अरकी समुदर नू मुलखत'अना चि'अना धर्मेसी चि'अना दंडे ती जुक्‍की र'ई।

अरा एकन्ने नूहसी बेड़ा नू मंजा अन्नेम मनवा ख़द्दन एंगा बरना बेड़ा नू हूँ मनो। नूहस कोहाँ डोंगा नू कोरना गूटी आलर ओं‍डर, मोक्‍खर, बेंज्रर, बिंजियर। ख़ने कोहाँ बहड़ी बरचा अरा ओर्मारिन नठाबाचा।