Popular Bible Verses from यॊहनस 12

Deildu

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

एकास तंग्‍है उज्‍जनन तंगा गे उज्‍जा बेद्ददस, आस धर्मेस गने जनमजुग उज्‍जनन एबस'ओस। लिकिन एकास ई ख़ॆख़ेल नू तंग्‍है उज्‍जनन दुस'ओस, आस अदिन ख़ापोस अरा जनमजुग उज्‍जनन ख़क्खोस।

ऎन निमन मानिम ब'अदन, गहूँ ही दना ख़ज्‍ज नू खत्रना ती अरगी खे'अना गूटी ओन्‍टे गुना र'ई, लिकिन खि'ई क'ई होले, नगदे ख़ंजपा चि'ई।

ऎन ख़ॆख़ेल नू बिल्‍ली लेक्‍खा बरचका र'अदन। औंगे नॆ एंगन पत्त'ओस आस ऊख़ा नू मल र'ओस।

नेक‍ईम एंग्‍है कत्‍था गुट्ठिन मेन्‍दस ती अबड़न मल मनदस होले, आसिन ऎन नेंव‍ई मल नन्‍दन, एन्‍देरगेका ऎन ख़ॆख़ेलन नेंव‍ई नना गे मला, लिकिन अदिन नाड़ा गे बरचका र'अदन।

फेन मरियम अधा लिटर नगदे दाम ही जटामासी ही अर्रगा गमगमरना इसुंगन ओन्‍द्रा ती येसुसी ख़ेड्डे नू ख़स्‍सिया, अरा आसी ख़ेड्डेन तंग्‍है चुट्टी ती चींचया। अरा इसुंग ही महकारना गोट्टा एड़पा नू निंदिया केरा।

औंगे आर कीन्‍दा डहुड़ा ओन्द्रर ती सड़क नू आसिन भेंट मना गे उरखर, अरा चिच्चियारनुम ब'आ हेलरर, “धर्मेसी महबा मनन! धर्मेस ईसिन बरकत नन्‍दस, नॆ उर्बासी आकुस गने बरदस! धर्मेस इस्राऎल ही बॆलासिन बरकत नन्‍दस!”

येसुस बाचस, “मनवा ख़द्दासी महबा मन्‍ना ही बेड़ा अंड़सकी र'ई।