Popular Bible Verses from LUKA 8

Deildu

Hnuoi ṭhaa mi chu hieng hi an nih; lungril ṭha le felin thu chu an hriet a, an vawn zing a, tuorseltakin an ra hlak.

Chun, hlohlingnei laia tla chu hieng mi hi an nih; thu an hriet hnunga an fe pei laiin dam sûng khawsak lungkhamnahai, inhawitirnahai, hausaknahai chun a dîp a, an ra puitling ngainaw a nih.

Chun, pielthlêng chunga mi chu hieng hi an nih; an hriet phingleh thu chu lâwmtaka pawmhai hi; nisienlakhawm, zung hrim an nei nawh, sâwt nawtê chau an awi a, thlêma an um phaleh an bânsan nâwk hlak.

Chun, an kuomah, “In ringna khâwlai am a um a?” a ta. Chun, an ṭi a, mak an ti hle a, “Hi mipa hi tu am a ni leh? thli le tui chen khawm thu a pêk a, an awi hi,” an inti tâwl a.

Chun, lampui sîra mi chu thu hre tahai hi an nih; chun, diebol chu a hung a, an awi naw a, sandam an ni thei nawna dingin an lungrila inthawkin thu a lâkpêk hlak.

Phuong lo dinga ip iengkhawm a um nawh, hriet naw ding le inlang lo dinga thuphmang iengkhawm a um bawk nawh.

Chun, nuhmei chun ân thup thei naw a hriet a, inthin pumin a hung a, a hmaah a bawkkhup a, a them san le kârlova a dam tâk elzie chu mi po po hmua chun a hril ta a. Chun, ama chun a kuomah, “Ka naunu, i ringna hi i dampui a nih, thlamuongtakin fe rawh,” a ta.

Chun, a kuomah an va fe a, an keitho a, “Inchûktirtu, Inchûktirtu, kan bohmang ding a ni hi teh,” an ta. Chun, ama chu a hung har a, thli le tuifâwn chu a hal ta a; chun, a ma a, a re ta a.