Popular Bible Verses from JOHAN 19

Deildu

Chun, Isûn uoin thûr chu a lo dâwn zo chun, “A kin tah,” a ta. A lu a kûn a, a thlarau ân thla ta a.

Chu hnunga chun Isûn thil iengkim tuhin a kim tah ti a hriet a, Pathien Lekha Thu kha a tlungna dingin, “Ka dang a châr ie,” a ta.

Chun, Isûn a nu le a inchûktir a ihmangai kha a kâwla ngir a hmu a, a nu kuomah, “Nuhmei, en ta, i naupa kha!” a ta. Chun, inchûktir kuoma khawm chun, “En ta, i nu kha!” a ta. Chun, chu chena inthawk chu, chu inchûktir chun amanu chu a inah a ṭhuoi ta a.

Nisienlakhawm, Isu kuomah an hung a, a thi ta zing ti an hriet a, a kehai an suktliek ve naw a. Nisienlakhawm, sipaihai laia mi pakhatin a nâkah feiin a sun a, chuongchun, thisen le tui a suok nghâl ta a.

Pathien Lekha Thu, “A ru pakhat khawm suktliek ni naw ni,” ti a tlungna dingin chuong thil chu a hung um tah a nih. Chun, Pathien Lekha Thu dangin “An isun ngei chu la en an tih,” a ti bawk a.

Chuongchun, Isu chu an ṭhuoi ta a. Ama chun mâni ta dinga kraws putin, “Lu ru hmun,” an ti, Hebrai ṭawng chun Golgotha an ti, chu hmun chen chun a va suok a.

Chun, sipaihai chun hling lukhum an phier a, an inkhumtir a, puon sen duk an insiltir bawk a