Popular Bible Verses from Mateyo 5

Deildu

Wantu wohena wakikoleza taa nkawaifunikila ngahu, waiika mwe kiikilo chakwe, imulikile woshe we muja nyumbai. Vivyoho lekai, hata langaila jenyu jimulikile wantu, waone ndima zenyu ntana, wakamtogole ishe ywenyu mweikala mwe lwingu!

Inywi mu langaila ja ngulu ngima. Muzi weikala mwe ntuli ulanga nkaukifisha.

We nyemi ni waja wena myoyo yeṅala, hambu watazamwona Mulungu.

We nyemi ni waja wena sala na nkilu ya utanda, hambu watazaiγushiγwa.

Miya imi namiti: Kundishai wankulu wenyu, mhembelezeze waja wemiifya

We nyemi ni wakiwa wa kimpeho, hambu uzumbe wa lwingu ni wawe.

We nyemi ni waja weivanya weyae wawe, hambu watazaitangwa wana Mulungu.

We nyemi ni waja weduma ukiwa, hambu watazahembuliziγwa.

We nyemi ni waja weingatwa kwa mbuli ya utanda, hambu uzumbe wa lwingu ni wawe.

We nyemi ni waja wena mbazi, hambu watazaonelwa mbazi.

Muna nyemi inywi, wantu wakimikanka, wakimiingata, wakimishinga mbuli mbada zoshe za mambeza kwa mbuli ya imi. Tamilwai na kutowa mazumo! Hambu upokezi wenyu mwe lwingu ni ungi; hambu vivyoho wazaγulusha hata waja wateγanyi wamilongwelewo.

We nyemi ni wahozu, hambu watazapala inu shi.

Inywi mu munyu wa inu shi. Ati munyu wabanika, utakola zeze vituhu? Nkauna ndima lushe, utaashiγwa du, ujatwe ni wantu.

Kwa ivyoho γalukai watakuzifya sa ishe ywenyu ywa kilwingu avyo mtakuzifya!

Mkilonga: Ndivyo, shuti ndivyo kweli! Mkilonga: Sivyo, shuti sivyo kweli! Vyezinka aho, viandusha vibada.

Mzaiva, kuti viyakalongwa: Zisho jilihiγwe zisho! Zino jilihiγwe zino! Miya imi namiti: Ṅwiyawo mubada ushemwikile nkani! Ndiye akutowe kibao mwe tama ja kulume, umtendezwile hata tama tuhu!

Ati zisho jako ja kulume jakunda kukuhosa, ujifokole, ujiashe! Hambu ni vitana, dango iṅwe ja ṅwili wako jikibanika, kushima ṅwili wako mgima ukishindikwa na kuzimu. Ati mkono wako wa kulume wakunda kukuhosa, uushenge, uuashe! Hambu ni vitana, dango iṅwe ja ṅwili wako jikibanika, kushima ṅwili wako mgima ukishindikwa na kuzimu.