Popular Bible Verses from Tabekacane 13

Deildu

Lri baadhaku muswane si lamwabaibalrithi muswane kikai sanaka pakelasu drele kai kadaengane palraelre; kikai kadaengane lrika numiane palralrawthu.

Sa katwasenga ku Lute, ku TAMATAMA amia kai ki Aberame, “Kusu twaladha kwini ki taacegeceganesu la papia talrawane, talriwgane, tali lrawdru si tali dradha drele masiasirare.

Lri paedhalaku ki lamwabaibalrithi muswane, ku pangalane kadrwa ku umawmase ku lri maka asipi; kai umawmase lu dulru asipi ki enai kai ki kadaengane lri maka asipi ki lamwabaibalrithi muswane.

Ngwalai kwini, ku Aberame la iya kai ki Lute, “Padethaneanata turamuru, pikakwa makakalisi; kai taraagwagu muswane si taraagwagu nakwane la mialri pikakwa makakalisi.

Ku Aberame la suburu si suragele kwini balrawbau, si taluela mu Hiburungu, ikai kwini ki adeethe ki tharialupu ka angatu ki Mamere; kwi lasu la ikai kwini pasikai ki TAMATAMA raedre ku taluvale ku tapatarumaramarane.

Ku Lute la masiasirare pangithalringulu, la drele kwini valrwalru Yuredange padaruru kavai sanaka drataane kwini Zuare; kikai dratane taaciladhane, mia ki Idingi ka mawivaivai, la mia ki kadaengane ka Izipiti; (sakamani kwidra ku TAMATAMA kaiyana waamudu kavai cekele Sudume si Gumura.)