Popular Bible Verses from Noo Luke 23

Deildu

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

As dooyrt Yeesey rish, Dy firrinagh ta mee gra rhyt, Dy bee uss mârym’s jiu ayns paradise.

As dooyrt eh rish Yeesey, Hiarn, cooinee orrym’s tra hig oo gys dty reeriaght.

As tra va Yeesey er n’eamagh lesh ard-choraa, dooyrt eh, Ayr, gys dty laueyn ta mish chymney my spyrryd: as tra v’eh er ghra shoh, phaart eh.

As tra v’ad er jeet gys yn ynnyd ta enmyssit Calvary, ayns shen ren ad eshyn y chrossey, as ny kimmee; yn derrey yeh er y laue yesh, as y jeh elley er y laue chiare.

As ve mysh y cheyoo oor, as va dorraghys harrish ooilley yn cheer gys yn nuyoo oor. As va’n ghrian dorraghey, as va curtan-scarree yn chiamble raipit veih-my-cheilley.

Nish tra honnick y centurion cre va er jeet gy-kione, hug eh moylley da Jee, gra, Ayns firrinys v’eh shoh ny ghooinney cairagh.