Popular Bible Verses from Luka 14

Deildu

“Umuntu wesi yuyo akwiza kukwane atangaba mumanyili wane, pene papo nanti anganite nkani ukuchila uwise nu nyina, umuchi na bana bache, abawamwabo na bayemba bache, sona na yuyo mwene.

Umuntu wesi yuyo atiyanizye pakuyimba mupaka nukufwa nu kunkonka, atangaba mumanyili wane.

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

“Umwakuyana bulo, nayumo umuntu yuyo angaba mumanyili wane, pene papo nanti avileka vyosi vivyo ali navyo.”

“Nanti umuntu yumo mumwinyu akulonda pakuzenga inyumba, akwanda tasi ukwikala pasi nukubelengela indalama zizyo zikulondiwa ukuti ennye nanti ali ni ndalama izyakukwana pakumalizya imbombo yache yila. Nanti atakubomba bunubu, lumo angazenga ulwalo lwene, nukupotwa pakumalizya inyumba yosi. Po bosi babo bachennya chicho chikabombiwa bakwiza pakumuseka. Bakwiza pakunena ukuti, ‘Umuntu uyu akanda pakuzenga inyumba, loli apotwa pakuyimalizya.’

Loli nanti ukuyannya ulusekelo, witizye abantu abapina, na bantu abalemazu, sona na bafwamaso. Po ukwiza pakusayiwa pachifukwa chakuti bate nacho nachimo ichakukunyosezya papo. U Chala akwiza pakukunyosezya pisiku lilyo abantu abiza bakwiza pakuzyuka kubufwe.”

“Imbeya nyiza, loli nanti yasupa, nkimba mungayipela buli-buli ukuti yibanje mbeya sona? Yite sona ni mbombo manyi mo mwitope manyi mo mumuvundo. Yikutaghiwa bulo pachintundululu. Yuyo ali na makutu aghakwivwila, ivwe!”