Popular Bible Verses from Apasolo 2

Deildu

Aputa: Pitayewi mene selese, “Kiwa semetei semetei esa: matana notolopela: niyawa Yesu Keleso unuwemi ela: kiwa hano tolusuma:na:keye. Alusaleke, Koteyawa kili olokeyatelawa sopoke iya:tese kepoliyetiyaposakeye. Aputa: Koteyawa E Ho Napowa kima kinaposakeye.

Aputa: iyawa apasolo senayewi waiyawa penanose topukeye. Aluse, iyawa himu hapa tese ma:na:wa ilipe naiye apula: Kotemawa ilipe kulukulula:sela: sita:nekeye.

Akamake, Kote E Ho Napoyewi Yesu Ewamo kulu hanosene sena kesale iwa woliyetikeye. Woliyetiyakamake iyawa sowa kalikalilawa emi ma:ta: tiye seyakeye. Ko:yawemiye Kote E Ho Napolo matana napolo amowa ima tiye mikeye.

Sita:newanapulu komaiyama kemi feyawa ilima hepene falemi tese sinise alopo penaiya inisene epapuluse inise koane sulu iwamo sita:newa fo amoke woliyetikeye. Aputa: potakamake tei wa:la amunawa emi hetetiyapita: papokeye. Tei wa:la amuna amowa takalese sena kesale ili pisei towemi ine towalopita: papokeye. Akamake, Kote E Ho Napoyewi Yesu Ewamo kulu hanosene sena kesale iwa woliyetikeye. Woliyetiyakamake iyawa sowa kalikalilawa emi ma:ta: tiye seyakeye. Ko:yawemiye Kote E Ho Napolo matana napolo amowa ima tiye mikeye.

Iyawa ikila sopoke Kote koawemi hanosene. Apula: iyawa ma:na: nasekiwa koane nowamo salo naiye apula: nowamo salo naiye aluse ili matana fa:nemiwa napolo tese epelesekeye. Apula: ikila sopoke iyawa Kote unua wapilikamake sena kesale sopoke iwalapulu himu hapa telakeye. Emiwa ikila sopoke Sosoyewi sena kesale noka mene siliyenekeye. Mane amoke ela: Yesuwemi seli topu akeyawa sosolo hetetikeye.

‘Koteyewi selese, sikape niwamo sitala weyamo ha:na: elema:na: mapato kemiwa Neyawa Ne Ho Napowa sena kesale sopoma susama:na:keye. Ki sa:yawala ke la:yawala Kote sowa sepatosene senayewi seyawamupesakeye. Apula: sena sala kiliwamokiwa uwayewi potosene epapuluse potaposakeye. Apula: sena tilila kiyawala uwayewi potaposakeye.

Aputa: Yesuwemi seli topu sena kesale iyawa ikila sopoke kekene tiyapola: nano ketea iliwa sopoke ilipe sopolo ne esa: matanasekeye. Ikila nokemiwa iyawa peleya: hepe noka wa:la:yawala apula: nano ketea nowa wa:la:losekiwa moweni emi tili amowa sena nano ketea hepe tela sitala ama kinisekeye.

Aputa: sena kesale eta:wiye Sena Sosolo unua holosaleke, Eyawa iwa mene siliyaposakeye.’ ”

Aputa: Neyawa mei falemiwa mono tema:na: tela ketea kalikalilawa waloma:na:keye. Emiwa opo ho:liyawa yopoloyetiyaposakeye. Apula: kuneiwa pepeta amunuse kele tiyaposakeye. Apula: Neyawa ele popita: peleya: kolemiwana kalikalilawa waloma:na:keye. Pepetawala tei wa:lawala apula: homatoa sosolo ilima hetetiyaposakeye. Amo fasu emiwa, Sena Sosolo mina:na: ikilawa emi hetetiyaposakeye. Ewamo mina:na: ikila amowa sosolo ununa tepesakeye.