Popular Bible Verses from Añanar 27

Deildu

Kaxanu yëlëlexi, aŝëɓer ir kë fedawënd gër orën in, do gë napul ir gër ebar in, bële ir mbaŋ, do gë ngoƴ ind mbaŋ! Ɓenëng ɓend ɓela këƴëɓi ỹana eƴëɓi bëñand, do ɓën eni diyeninënd, ɓenëng kë ỹana ex poxind gër lëngw ireƴ! Gil alëngw ar ɓoɓinëx an, oɓaŝ or norix ol poxindëlexëni gër lëngw ireƴ! Kataleŋo ar ki xarend an, ɓetalexo ar ki xaranënd oɓetak an!»

Esawu re ko: «Ba gayik Yakob këno w̃acënd nde naŋëtaxën ke ɓakëlëbëd ɓaki? Mëŋ xan ke oxarënak oram ol, do doro xan ke ɓëte oɓetak oram ol!» Ɓaŝ ko Esawu: «Oɓetak aƴe penan ex na nde?»

Sëm Isak yaka këŋo: «Wëj caw kën h̃awëtar gë napul ir gër ebar in, do gë aŝëɓer ir kë fedawënd gër orën in, aŝëɓer ir ƴaŋ in, caw kën h̃awëtar. Wëj gë ojaw̃ od duxuma ireƴ ok këƴ ỹana eƴ cotënd er këƴ liyaxën in, do aɓinëx këƴ ỹana eƴo diyeninënd. Ɓarikan ga këƴ ỹana eƴ ƴexërand ƴaƴa fo gër ed yo, aŝana këƴ ŝana mbëña indexëm iŋ.»

Esawu w̃ëka këŋo sëm: «Oɓetak olo fo nde ŝot baƴ, faba? Wëno ɓëte karanële wa axaran oɓetak ol, faba!» Ata Esawu ko sesënd.