Popular Bible Verses from LUKE 12

Deildu

nanekhi marshikbi karngeilak, ngamri Thimiyei Chanapawa heiri naiyei marshikmakne louklei kheenrou yongkurkhi kya.”

Heinung'tlimri, nane Aiyei Krungramya rapharilak, heiyanungri Ane nanungei namyerwa pirou.”

Heirou Jesu'ne yanungei yunpithu, “Nane marsen touri leiwang thimi rapbei lhourouwei kartleinanung mukheine toulak; ngamri thimi napung khatdei chaanri ane beimakne laldun hoiyanungkhi, heirou aiyei dunbi klei lal heiyei doura ane ringbi klei nimak.”

Ngamri naiyei lal leinara nai ukning-lhawaikhi kardonbi leirou.”

Na hukounakne heinungei'tlim ningchabi nai chaanya hutyeng khatchanak shaangduiyerbi ringchangrouko?

Heirouri Jesu'ne Aiyei ruishik rapnung asitoubi shunkur, “Ane ngam hoibine Keine nanung tanghakne yunpilei touri, nane ringnanung kouya chamaibi leiserouwo, nimanung nai upnungei phirulri kourei louserouwo toubine nai lhawai kanwangni khallahmak.

Heitoubi nai lurei pukbi klei shampum rapyakhi mshing sherbine khoulei. Heini nane kouyakhi chimaklo; ngamri nari msek-waa chungyakhi duine manklu!”

“Mandikur Yaorul, nari chimak, ngamri nai Pawane Aiyei Krungbom heiwaya nanung pinungei yapiwurla.

Ramhangrei yoo-waa rapya thilak; yane trunwai lung touri koukhatkhi tuklhakmak, heitoubi koulung khatkhi luklhakbi khoumak; yane kouroukhi marpeikhoumak, heitoubi chapongkhi dunmak; heiya Dunpune yaya yukpilei. Heirou nari ramhangrei yoo-waa rapyakhi duine manklu!

“Heirou nane kouya chamaiserou, nimanung kouya upbi leiserouwo toubi khalchanabi nai ukning plangurmak.

Ramhangrei angtu leikhoubi ningari meiwaira khinglhakbi hongkur kya heengna-rona rapya mansampikur heiri Dunpu. Dunpune heengtrung-rotrung rapyakhi heinak lhangaine mansamkhoulari, Ane naya heirapyakhi duine mansambang-pimakrouko? O uklum-beimak thimirap!

Kouweiyo toulanungri, makhubphopbi mutmakne munne khourouri koukhatkhi makrou, heirou muyermakne munne yulkhourouri koukhatkhi makrouwa.