Popular Bible Verses from LUKAQ 14

Deildu

“Juwa i jaqshi ma jawan ro tlaq, kriiti raq ngi ka anyung nai awe, achak nai asetiim, aphu nai anotiim, ashea nyungtiim, kiimaq apaiq khum thaq niimin, ngi ka apa lungwii mak jiila, apaiq ka i jaqshise ma jawanlot mak.

Jurwa maiqmii pumsongkham ka Pishat maq i jai phan phan wamak, kriiti ka i jaqshise ma jalot mak.”

Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

Ikiikhiisii hali, namshiq phong wa juli jiimin, maiqmii raq jamlai wa rümtlan, kra thumthum miimthü man wiiwii, i jaqshise ma jawanlot man.”

“Bom shiiton ngu i, namshiq phong wa maiq weshi ra raq, jam ajong wiq kaü ashi mihai ha nguta tiima tlaq jiika, kra jam hai ma kampho ka asi sha ahü wa, kra kongkhu na sürii chang miraq. Apaiq raq kiikha mikhu na sürii mak maq, jaqsham kra phaho raü jiila, ümkhiimiiwa jam ka hailot mak dea, thaq baiq raüla, nanok raq kra chhi raüta, apaiq ka minaikü siq. ‘Arwe raq ajam ka hai phato shatmaq, hailot mak dea tsaqkito!’ nguta maiq raq minaikü.”

Ara chongtiikang arkha maq, ümniiraq ümtiikiiwa phaq asea poi klo tlaü akhing na, miitsan miijan, kiimaq makchuk jaqküti thun kra tiihea lili riilaq. Kiimaq kra riihaü jiika, ümniima kechu jonghea miraq. Ara jamkhano chongtiikang ngukla, tsangshiq riika ümniima thamsong kuq lot mak she miraq. Shatmaq, kechu maiqse thun ka ama wa dong wan tlaq ranaiq akhing na, Shiikeawe riishetiq ümniima misong kuq.”

“Shum ka asumwiq phan. Shatmaq shum ka, asum she khoiki raüka, jamkhiishe wa mitiisum nong. Kriika wak na hiq tiipü miitu phong baiq kai miimin taimak. Kriika araü baiq kai chang li she miraq. Ikhiijiila, juwa ni asi, kriiti raq ara bom chong ara tiitsang tai rong laq!”