Popular Bible Verses from LUKA 14

Deildu

“Tutu ki zianga hong murdi kan an nu hei, an pa hei, an nupui hei, an nai hei, an urêng hei, an far hei, neh, ama takpum ten nêkan khom lung an ne thlung ual non chu ki kôilôm ni thei no nih.

Tutu mahni kros riputa ne zui ino chu ki kôilôm ni thei no nih.

Om iliankah tlôm an ta, om itlômkah chu inlutin om an ti,” a ti a.

Khaangkan nangni lâia mi tukhom ai nei murdi a mâk riai non chu ki kôilôm ni thei no nih.

“Nin lâia tukhôk manih hin inrisâng isin tum sela, iṭhungin a sin zoina rang sum a nei neh neino ngaitua bak a ti. Lungphûm a phûm nungin zoi thei ta no sela, â mu murdi kan, ‘Hi mi hih chu in isin a phut a, ai zoi thei khâi ino a nit hiteh o,’ itin nuiso an ti.

Ruai ne ṭhen chu inrianghei, piangsualhei, kebâihei, mitdelhei fial lem roh. Khanchu, ṭhatvurna dong ni ti, nang tuakna rang nei khâi no nia; mi felhei thoinôknaah khan Pathianin nang tuak a ti,” a ti pêk a.

“Ichi hi a ṭhat a; khannisela, ichi khah a alna boi ta sela, in-al nôk thei ni khâi mak. Rinêng rang khomin ṭha khâi mak a, irînniknaa pol rang khomin ṭha khâi mak e; ipai rang bang a nit tâk. Ikuar nin neiin chu ringai rei,” a ti a.