Popular Bible Verses from JOHANA 6

Deildu

Jisuan an ziangah, “Keimah hih ringna bai chu ki nit. Tukhom ki zianga hong kangân chu an vonṭâm no nia; tukhom keima ne iam chu an tuirihâl khâi no nih.

Ringna petu chu Pathian Rithla a nit; miriam ritha chu îte â mangna omak e. Nin zianga thu ki îsîr hih Rithla neh ringna a nit.

Ifâk rimang thei zel rizûlin rivâk rivâk no unla, kumtluang ringna dai rang ifâk rizûlin rivâk lem rei. Kha fâk khah Miriam Naipan nangni pêng a ti, Pa Pathianin ani khah risin ai sia tâk a nit,” a ti a.

Ki Pa lungdo chu amahih a nit; Naipa mua ama iam murdîn kumtluang ringna nei sela, anni khah nikhua nungkhônah keiman kâiithoi inlang iti hih a nit,” a ti a.

Jisuan a sâm a, “Pathianin isin ranga nangni ai nuam chu amahih a nit, a mi tir hih iam rei,” a ti a.

Pan a ne ipêkhei murdi chu ki ziangah hong an ta, ki zianga hong kangân chu tute ûmisua tlak no ning e.

Simon Peteran a sâm a, “Pumapa, tu ziangâm kin rot ranga? Kumtluang ringna thu nangman nî nei a nit.

Keimah hi rivâna rithoka ibai iring zuang iṭum chu ki nit. Hi bai hih tukhomin a fâkin chu kumkhuantluangkan ring mai a ti. Ibai ki pêk rang chu ki taksa hi a nit, rammual ringna ranga kî pêk chu,” a ti a.

Pa, ne tirtûn arkuai non chu tute ki ziangah hong thei no nih; keiman nikhua nungkhônah â honghei kha kâiithoi ki ti.

Pathianin ibai nangni ai pêk chu rivâna rithoka zuang iṭum a, rammual zianga ringna petu hih a nit,” a ti a.

Keimah hi ringna bai chu ki nit.

Jisuan ibai khah a lâk a, Pathian ziangah lômthu â sîr a, khantaka ṭhunghei khah a sem pêk tâk a; khangkah ngirin inga khom khah a sem a; an nuam dôr dôrkah an rêngkan an chang pak a. An khop khai nungin chu a kôilômhei ziangah, “Ite ripai loi rangin fâk bân khah bûm riai rei,” a ti a.

Khante, kôilômhei khan mêl ithum mêl ilikah vêl an hei zâp tenan chu Jisua tui chunga lôna rikuang tianga hong ipun khah an mu a, an ṭi tâk a. Jisuan an ziangah, “Keimah kêng kî nit, ṭi no rei,” a ti pêk a.