Popular Bible Verses from JOHANA 16

Deildu

Keimah-ah thlangamna nin nei theina rangin hi thu hih ki îsîr a nit. Rammualah hin dengthei ituangin nin om ngai; nikhomsela, thlangam takkan om rei, keiman rammual ke nê tâk,” a ti a.

Nikhomsela, Rithla diktak, Pathian thutak inlangtu khah a zuang tlung tikin chu thutak tinrêngah nangni ruai inlût a ti. Ama iphuatotin thu isîr no nia, thu ai dong khah isîr a ta, thil hong itlung rang khom nangni ril a ti.

Atûn tenah hin ker mingin îte la ngên mak chei; ngên rei; khanchu, mûng nin ti, nin lôm arkipna rangin.

“Nikhomsela, thudik tak nangni ke ril, kî fe hih nin ta rangin ai ṭhat a nit, ki fe non chu Thlangamtu khah nin ziangah zuang no nih. Nikhomseh, ki fen chu ani khah nin ziangah zuk tir ki ti. Ani khah a zuang tlung tikin chu sual chungchâng thu hei, thiam inchangna thu hei, roirêlna thu hei an lei ringai insual iti rammual inriang a ti.

Khangkah khan nangni khom atûn chu ngaisiatin nin om a; nikhomsela, nangni la mu nôk ki ta, nin lungril lômnan la sip a ti. Kha nin lômna kha chu tutên nangni sut thei khâi no nih. “Kha nikhuaah khan chu nangmanin îte ner don khâi no tin u. Thudik tak nangni ke ril, ker minga Pa zianga îkhom nin ingên chu nangni pêng a ti.

Thudik tak nangni ke ril, nangmani iṭapin irung nin ta, rammual chu lôm a ti; ngaisiatin om nin ta; nikhomseh, nin ngaisiatna chu lômnan rilet a ti.