Popular Bible Verses from RIPHUTNA 39

Deildu

PUMAPA khah Josefa ziangah a om mai a; khanchu, a sinthona kipah thluan a tlung a. A pu Aigupta mi inah khan a om a.

Khanchu, Potifara khan ai nei murdi khah Josefa kutah a sia zit a; a zianga thil a înkol rêng rêng khah îte ngaituapui khâi mak a, ama bunêk rang ti no chu îte ai ngaitua khâi ino a nit. Josefa khah tlangvâl tuaizâi iṭha tak a nit a, a mêl khom a ṭhat tak tak a.

Khanchu, tâng in vêngtu khan lung ina tânghei murdi khah Josefa enkolna nuaiah a sia a; khanchu, tâng ina isin rua om murdi chu Josefa kha â sintu a nit ngai a.

Khanchu, Josefa khah a ṭhui a, tâng in, rêng mi manhei khumna ngaia khan an khum tâk a; khanchu, tâng inah khan a om mai tâk a. Nikhomsela, PUMAPA khah Josefa ziangah a om mai a, a chungah lungkhamlianna ân lang a, tâng in vêngtu ditsakna khom ân dong a.

Itôiteka nungah chu hingka hin a nit a, a pu nupui khan Josefa khah â dit a; a ziangah, “Ne zâlpui roh,” a ti a. Nikhomsela, ani khan nuam mak a, a pu nupui ziangah khan, “Ringai roh, keimah ki om ngânin chu ki pu khan hi inah hin im â om îte ngaitua mak a, ai nei murdi ki kutah ai sia zit a nit. Hi inah hin ki nêka lian ual tute omak e; a nupui ni nit sikin nangma banah chu keima rangin îte ithloi nei viat mak e. Khasika khan ingkan im hi sual ilian tak hi ithon Pathian chungah thil ki thonsual thei rang a?” a ti a.

Nikhomsela, sûnkah chu Josefa khah sin itho rangin insungah a va lût a; insunga khan tute mi dang rêng rêng an omno lâi tak a nit a. A puanah khan a lei man a, “Ne zâlpui roh,” a ti a. Nikhomsela, ani khah â tlânpat a, a puan kha chu a kutah khan a mâk rak a.