Popular Bible Verses from wandījo 3

Deildu

Ū nkīma aho wabona gīkī a matwajo ga ntī gwenūyo gawiza ū kūshilīwa, nū mu miso galībeela, nīyo gashikile kūng'winha munhū masala, ūtonola ūlya. Nū ngoshi, nū ng'wene ūng'winha ūlya.

Gwike ī nzoka yalī masala sala kūjiheeba pyī ī shiinū ja mu matogolo ī jingī, ījo walī wajibeeja ū SEEBA Mulungu. Yūmūja ū nkīma gīkī, “Angū ng'hana gete ū Mulungu wahaya, ‘Mutizūlya matwajo ga ntī gose gose ū mu ngūnda?’”

Nīyo nakūtūūla wanishi a ha gatī yako nū nkīma, na a ha gatī ya myalwa wako nū wakwe. Ū myalwa wakwe akūgūtobagūla Ū ntwe gwako, nang'ho ūkūngulaaja ishiigina lyakwe.”

Ū Mulungu ūng'wīla ū nkīma gīkī, “Nakūbongeja ū būsaatu wa būsūngū wako ū ng'wikanza lya kūbyala baana, ūkūyūbyala mu kūsaatwa kūtaale no. Hama ū kwikūmva kwako kūkūbiza kūlī ngoshi wako; nīyo akūkūsuga ū bebe.”

Ūkūyūyīla tame hū wapandīka Ī shilīwa shako. Kūshisha ūkūshoka ha sī, nguno h'aho ūfumile. Ū bebe ūlī malongo, na lūūlū ūkūshoka mu malongo!”

Lelo ū Adamu ū ng'wene ūng'wīla, “Īkī walī waliigwa ī lilaka lya nke wako ūzunya kūlya ū ntī ūyo nakakūlemeja nūkūlagīla gīkī, ‘Yaya ū kūgūlya;’ ī sī yazumagwa kūlwa nguno yako, pyī ī shikū ja būlamu wako ūkūyūkoyakoya hū wapandīka ī shilīwa.

Ū SEEBA Mulungu ūng'wīla, “Nani ūyo wakūwīlaga gīkī ūlī dūūhū? Wagalyaga a matwajo ga ntī ayo nakakūlemeja kūgalya?”

Aho wampeeja ūtūūla bamalaika Balang'hani akakitanagwa makelubi ū kū kīya ya ngūnda gwa Edeni, na līlūshū lya moto lya kwikala līkūgalūkaga hose hose būlī kwene, kwīlang'hana ī nzīla ya kūja ha ntī gwa būpanga.

Ū Adamu ūng'wilīka ū nke wakwe lina lya Eva, nūlūgīkī, Hawa, nguno h'uyo akabiza nina wa bapanga bose.