Popular Bible Verses from Malako 13

Deildu

Bato basusu bâlona no a mojɔ mokombe embi. Moto ko yona ôda mombi-limake oko a suka mɛnɛ, yo âhela.

Toma nganjamani; toma sɛnjɛlɛni, na ingakani; mojɔ bo otajebakani yana âdoa ehole emina.

Bakapea no, na bakakɛ na nu a bisambi, t’odaeni oko na mokakwano a mojɔ mobikenge bibobala. Balani oko bikenge bia bipama ai no a ehole emina. Mojɔ bo Mwembo Mosɛnɔke modi bobala, te no bɛnɛ.

Nongo Diko na nase jikadimoa, bibaeli bimbi bitakputoa.

A mojɔ mobusa bomina ko, na ehole emina, pɛpɛ nongo moto ojebalta, te nongo babwɛnji-baDiko, isa Mwana; ojebaka oko Sango pɛ.

Ino oka’kani bato bakabale a mojɔ mobila na bijoki bibila, t’odaeni oko na mokakwano; mojɔ lɔo ngando ji jisusu jibwani bodoa; suka ko te yena.

Sɛnjɛlɛni boa, mojɔ bo otajebakani ehole ehulaka moswa ’ndako, isa a ehole emɔkɔ, isa na bulu tei, isa a mojukakeli, isa ehole eehuma. Sɛnjɛlɛni, asaka hula bundumo na âtana no ohwɛlini. Mbi nabalaka na bato basusu oko ekenge ebali mbi na nu bo, Sɛnjɛlɛni.

Likota lî’na na likota. Bokumu bô’na na bokumu. Majonga mangondo mâda a bisika na bisika, na manjale pongono. Ngando jimina ko jîda oko bobanga bojɔɔlɔ.

Endele ko, Mwako Mopele môpeta tɔndɔmɔ a makota masusu.

Mojɔ bo bato banɛnɛ badi bodoa a kombe embi; bâbala bo, Mbi nadi Masiya; na bâlaboja bato banɛnɛ.

Toma nganjamani a mojɔ monu bɛnɛ. Badi bopeja no a mɔmɔ mabajuji. Badi botua no a sinagoge. Odini bo’ma a boso bobasuku babato, na a boso bobakumu a mojɔ mombi, bo otateni tati ai bo.

Mojɔ bo, BaMasiya babokosea na batɔndɔi babokosea badi bodoa. Bâkɔ bimbete na mindumba. Akɔki bo hɔnɔ, ka balabojae bahɛngɛmɛkɛ mɛnɛ.

Molɔbɔ momina mokasia a masu mamina, modika busa môhinda oko bohinda. Songe âtaneja koko monjolo. Njɔtɔ badiko bâkwa nase, na ngulu jidiko jidongosana.