Popular Bible Verses from MAFIYU 10

Deildu

“A wɛlɛ! Gà wo levesu è ɣɛ nu ɣa ɣɛ baalaga levesu gozo koeiya zaama. Na ma a ɣele‐ɣele è ɣɛ velei kaalia te la, wo maa wuo faa zu è ɣɛ velei ƃiiƃɔkua te la.

Nui yá ɣɛ yɛʋui ɣaa ziɛzu towaa pili. Nui yá yɛʋui vili màzaƃu ma towaa pɛtɛ.

A mɛ lɛ luo numai niitiɛ va ta wo malɔtɔi vaa nɔ, tɔwɔ tɛ lɛ zooga tɔ wo yɛʋui wulo wo ya. Nui mugi wa luo bá tɔ ga nui yá zoo é nu yɛʋui vɛɛ málɔtɔi va é te zu ŋala‐ŋala daa‐nɔwɔ‐wo ŋada laavɛ.

Na ɣa ɣɛɛ na nui lɛ ná pɛɛ‐pulu wulu likpii ziɣia ɔ́ vile pùlu, manui lɛ kuloni bu màʋaa ma.

“Nii mavele ma nui nɛpɛ yá laa wu ziɣi màʋai ma é bo numaa ɣaazu, nà ƃalaa gà laa wu ziɣi manui maʋaa ma gè bo kèea Gala gaazu é gee‐zuvɛ. Kɛ̀ nui nɛpɛ yá màʋaa zakpe nu ƃusea ɣaazu, nà ƃalaa gà manui maʋaa zakpe kèea Gala gaazu é gee‐zuvɛ.”

A wiɛ seeƃɛ veaitiɛ valo, wiɛ saa vea wu ziɣi saa ya, wiɛ gee zeeƃɛ kɛɛ vea valo te maa yìɛ ziɣi, wiɛ gɔʋɛ yowũa ƃɛ kɛɛ vea wulu. Nii wo maa zɔlɔ woga wɛ lɛ sɔ̃wɔ ʋeeni. A teve te mɛ lɛ geea wo ma.

Na ma a mɛ lɛ luo. Wo maʋaa wala levegɛ zɛƃɛ‐zɛƃɛwua va.

Ziizɛ ɣɛni tea, “A mɛ lɛ ɣi gaa ziɛ ga pàavɛ ga gè zii‐laa ɣɛ zui ɣa. Gè lɛ vaani ga gè zii‐laa ɣɛ zui ɣa, kɛ̀ boa zɔkpɔ ɣa gè vaa la na.