Popular Bible Verses from Gɔwɔ tɔɔi 6

Deildu

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Kɛlaa, Yai-Laa ə ɲɛ̨i lɛlɛɛ hee Noe ɓa.

Pələi Noe mąą mɛ̨nį hukulaa ə kɛ la, bələ ka: Noe ə kɛ a nu haŋąą

Ə mo gbɔwɔ ɓa, yɛ diɛ: «Hvo kɛ li ŋį́ nu lonnii kəlee nwun napili, ŋį́ di həɠə lɔi mɛ̨i, da huwɔɠaa, ə mą kɛ nwɛ̨niɠaa. Di pɛlii ŋɛ̨i ŋį́ mo, a tɛ̨ą, yili aa níí too pulu.»

Ɓɛlɔwai nuą di gɔwɔ tɔɔ la diɛ lɔi mɛ̨i laahvɛɛ, diɛ lon nɛ̨ąą hɔlɔɓo, Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni. Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.» Nąąlɔwai tii hu, nu kwɛa-kwɛa di kɛ lɔi mɛ̨i. Nuąi tii di hɔlɔɓo Yálá lonnii da lɔi mɛ̨i nɛ̨ąą di wɔ hilɛtaa yii hu. Nuąi tii ɓə wɔlɔ kɛ di laa tɛɛ lɔi mɛ̨i.

Bələi kpɔlɔɔ Yálá ə mo la Noe ɓa, bələ ɓə ə gɛ la.

Nąąlɔwai, Yálá ə mo Noe ɓa, yɛ mą: «Noe! Ŋą́ą́ gaa gɛ́ diɛ: yɛnɛ̨ɛ̨ hɛnŋaa kəlee ŋąąkpɛɛi lɔwai aa ɉəli ɲɛ̨́i ɓa; di hɔn aa ɲɔ̨n, nwąnąlɔ aa lɔi mɛ̨i laa hvɛɛ. Gáá gəlee nwun na pilii.

Kələn gɛnɛ̨ ta pɛli, a gofɛrə wulu. Ya gɛ ɉu a bɛlɛɛ pɛlɛɛ tamąą. Ya kpɛɛ a bɛliɛ, ə́ mąląąn ɲą lɔ mą nąą kəlee, ɉu pələ da gɔlɔ ɓa pələ.

Yálá ə ɲɛ̨i hee lɔi mɛ̨i, ə nąą kaa, nu tɔ̨nɔ̨ kpɛli hvo kɛi Yálá kwɛli, nu kəlee lii lɔɔ mɛ̨nį ɲɔ̨n ɉu diɛ gɛ.

Huwɔ huwui lɔpee gəlee, ɉuwu tɛitɛi, ɉilɛ da ɉaa, ə́ di lɔ ə́ pɔ gələn ɉu.