Popular Bible Verses from O Kandɔɔ 25

Deildu

Mí Mɛlɛka dimul ndu aa: «Vannda súúlan tan tiɔn a co nɔm o dembe ni. Vanaa-mangalaa-isɔɔa súúlan tan tiɔn n co violɔɔ ni. O pilɛ hiawnin o pilɔɔ kpaayaa. Po tasoo calnin pɔmbɔ ndɔ o labɛngunin.»

Mó dimul Yakɔb aa: «Poo ke ya kpɔɔndɔ nɔm siaŋaa ho mì de, kani i sanga nihau bɔɔ a yiaan.» Lelan nda ke Esau diolan ni aa Edɔm (kon co dimio ni aa «Kpɔɔndɔ siaŋaa»).

Mí Isaak piɛi Mɛlɛka le Rebeka laa ndɔ pulei timbio, kani Rebeka ve vana vialaa le. Mí Mɛlɛka muli piɛile ndɔlen, mí Rebeka laa ndɔ cua folio.

Mí Esau muli aa: «Yiaan ma co ya diyɔɔ nuaa ni. Kpeku yɛɛ fonda ikaasonyaa ho solul-lɛnin ya?» Mí Yakɔb dimul ndu aa: «Mɛɛ yii kpemaa mà mɛnan sunsun.» Mí Esau yii dɔ́ɔ́ kpemaa, mó mɛnan po. Mó vɔngul fonda ndɔ ikaasonyaa Yakɔb pɔmbɔ ndɔ o ba.

Mɛɛ ndu velun, mí pɔmbɔ ndɔ fula vɛlɛ, ba ndɔɔ va o kafalanndo o bɛngu tííndíí Esau-vo. Má ke ndu diolan aa Yakɔb (kon co dimio ni aa «Bɛngu tííndííyo»). Isaak ndóò nɔ vɔsilan belaŋɔmpum, mó vialu pɛndua kan.

Esau Isaak ndóò hiow kaola, kani ɲɛmahilu ledoosoo Isaak ndóò yeema ni. Kɛ Yakɔb Rebeka ndóò hiow kaola.