Popular Bible Verses from Lukə 17

Deildu

Yili pulu Jesus ə mo ɉulɔnui tii ɓa, yɛ mą: «'Ə́ muhəɠə ə́ li, ə́ wɔ laa na laa aa ə́ ɓalo.»

Ə mą kɛ aa nɛ̨ŋɛ̨n ɉəɠə yɛ́ gee mɛ̨i mɛ̨ihveelɛ hvóló tɔ̨nɔ̨ yee mu, ɛlɛɛ, ə pənə, ə pa ə́ pɔ gee mɛ̨i mɛ̨ihveelɛ, yɛ kɛ yɛ́: mą́ą́hvaalɛɛ; mąąnɛ̨ɛ̨ ə́ mąąhvaalɛɛ.»

Nu tɔ̨nɔ̨ ə kɛ di lɔwai, ɓɛlɔwai ə gaa la yɛ kɛ gɔlɔi a pono; ə yali bulu yɛ pa, yɛ Yálá hɛɠɛɛɓo kpɔ a nwoo kɛnɛ̨. Ə pa ə pɛlɛ Jesus kɔ́wɔ mu, ə ɉɛɠɛɛ ɓo. Ɉulɔnui tii ə kɛ a Samari mun.

Ka gɛ a nɛlɛɛ, yili hu. «Akɛ, ə́ nąn non a nɛ̨ŋɛ̨n həɠə yɛ́, ka mo ka nu hveelɛi ka lɔwai, akɛ, a dúwɔ́ pələ mąąhvalin, ə́ mąąhvaalɛɛ.

Nąąlɔwai Jesus ə mo yɛ diɛ: «Akɛti, nu pow tii kəlee kɔ́lɔi hvo pono? Mɛ̨inąąn tii di lɛɛ mį?

Ną́mu ə di woo pulu pənə yɛ diɛ: «Akɛ kɛ, ka wɔ laa na laa a kɛ kpɛli yɛ gbɔ kɔ́w, ka pɛli kaa nwului ŋɛ̨i ɓa: ‹Kulɔ ɓɛ, ə́ li, ə́ tɔɔ gboloyá hu!› A gɛ kpɔlɔɔ yɛ pələi tii ka mo la.»

Nui a nwɔ yɛnɛ̨ɛ̨ mąąkɔ̨nwɔ̨, a hvɛɠɛ a nįį; kɛlaa, nui a hvɛɠɛ a nwɔ yɛnɛ̨ɛ̨, nįį a ɓalo.

Jesus ə mo nwɔ kalan nɛai diɛ, yɛ diɛ: «Nuą too mɛ̨nį nɛ̨ŋɛ̨n ɉu, yili hva ɉəɠə mą; kɛlaa, nui a mɛlan doo nɛ̨ŋɛ̨n ɉu, nɛ̨ŋɛ̨n naa ɓə. Vialaɓoɔi di kwɛni kpuwulu kɛnɛ̨ kpulɔn mąą nu kwaną, di bili gboloyá baləi, əgɛ, hvo pa nɛapɛlɛɛ ŋɛ̨i dɔ̨nɔ̨ kpɛli lan.

Bələi lɔ ə kɛ la a Noe nwɔ yələi pələ lɔ ɓə gaa pai kɛi la a Nu Lon pa yələ. Noe ŋą yələi, nuą di kɛi di laa mį́į́, diɛ di kpələ, diɛ nɛ̨ą həɠə, diɛ li hilɛtaai, diɛ di lon nɛ̨ąni ya. Ə lɛɛ ɉu, ɲələi Noe ə lɔ la gələn ɉu, ɲą nwąną yɛ nuą kəlee nwun napili, ɲələ ə ɉəli.