Popular Bible Verses from MATIUS 16

Deildu

Boh Yésus bara' ngan irah bakéh néh, ha' néh, Hun pu'un séé'-séé' juk kivu Akeu', mai éh kivu pengeloo' néh tengéé', bang siget-siget dau jian éh alaa' salib néh tengéé' ke' néh kivu Akeu'.

Akeu' bara' ngan ko', ka'au' Péterus barei' bateu', ngan tong bateu' inah Akeu' juk suai sidang ké', bé' pu'un ineu'-ineu' éh omok kebéé éh, patai péh bé' omok.

Akeu' mena' penyukat ngan ko' bau irah éh lem nihau ké'. Ineu'-ineu' éh bé' buhaa' ko' neu' kelunan tong tana' iteu', kenat péh éh tong seruga kepéh. Ngan ineu'-ineu' éh kejeraa' ko' neu' réh tong tana' iteu', kenat péh éh tong seruga kepéh, ha' néh.

Kelunan éh seruh juk mihau urip néh tong tana' awah, tawang urip néh inah, kenat péh kekat pengeloo' néh kepéh. Bang kelunan éh bet kekat pengeloo' néh tengéé' ke' néh ngajung Akeu' dalem kekat penganeu' néh, kelunan inah éh omok murip mu'un.

Ineu' gunah hun kelunan alaa' kekat éh tong tana' iteu' hun usah néh tengéé' tawang? Bé' pu'un gunah néh. Bé' pu'un ineu'-ineu' éh omok nena' néh ke' néh omok alaa' urip néh kepéh.

Iah neteng réh kepéh, Bang kineu' ha' ka'ah, séé' Ku' kunah ka'ah, ha' néh. Ha' Simon Péterus mipa éh, ka'au' éh Kristus éh Anak Allah éh murip, ha' néh.

Ha' Yésus kepéh, O Simon anak Yohanes, murung kenin ko' uban bé' ke' jam éh neu' kelunan éh bara' éh ngan ko', bang Tamen ké' éh tong seruga Iah éh mena' pengejam inah ngan ko'.