Popular Bible Verses from Retaꞌ Ahun-hunut 12

Deildu

Au of aꞌfee tetus-athoen ꞌeu ko. Ma ho sufam-kauꞌm ein of amfau-rutu, ma of anjarin uuf maꞌtaniꞌ, tar ho kanam naan of matekaꞌ. Rarit ho mjair atoin amneik tetus meu atoin sonaꞌ. Au of aꞌfee tetus ꞌeu tuaf-tuaf reꞌ nfee tetus neu ko. Mes Au of aꞌfee kasat ꞌeu tuaf-tuaf reꞌ nkaas ko. Amneen murek-rekoꞌ! Areꞌ uuf-uuf anbi pah-pinan ia of napenin tetus, natuin ho.”

Oras naan, UISNENO naꞌuab neu naiꞌ Abram am nak, “Abram! Ho mnao musait ho nonot-asar, ho amaꞌ in umi, ma ho kuan. Ho mnao meu baer jes, reꞌ Au of ukriir ee ꞌeu ko.

Oras naan, naiꞌ Abram anmoin naan toon boꞌ hitu mniim (75). In neik in fee bi Sarai, ma orif naiꞌ Haran in anah naiꞌ Rot, ma in baer pusaak ein ok-okeꞌ, ma ameupt ein in uim je nanan reꞌ in napein sin anbin kota Haran. Onaim naiꞌ Abram annao nasaitan kota Haran, neu bare reꞌ UISNENO nbaꞌan anrair je he nakriir ee neu ne. Sin nnaon nkonon ntean pah es, in kaan ee, pah Kanaꞌan.

Anbi bare naan, UISNENO nakriir On neu naiꞌ Abram. In naꞌuab am nak, “Au of aꞌfee bare ia ꞌeu ho sufam-kaꞌum sin.” Rarit naiꞌ Abram nbakin mei fatu he njair mei fuat neu UISNENO reꞌ nakriir On anbi naan.