Popular Bible Verses from Genesis 3

Deildu

Ikit na ning babai king masanting yang lalawan ing tanaman at maniaman yang kanan a bunga at dapat yang pagnasan uling babie yang kabiasnan. Inya kinangwa ya karing bunga na at pengan ne; dininan nia naman ing asawa na at mengan ya.

Ngeni, ing ubingan ya ing mautak dili karing animal a lelangan na ning GINUNG Dios. Nganang mengutang ning ubingan king babai, Tutu pin king binawal na kayung mangan ning Dios king isanu pa mang bungang tanaman king mulahan?

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Ngana naman king babai, Dagdagan ku ing kasakitan mu king kekang pamanganak; king sakit ibait mu la ding anak mu. Makanyan man pagnasan me pa mu rin ing asawa mu at pailalam ka king upaya na.

Mika pamangan ka kapamilatan na ning tulu ning pawas mu angga king magbalik ka king gabun nung nu ka ibat, uling king gabun ka ibat, king gabun ka naman mibalik.

Ngana namang sinabi king lalaki, Uling mekiramdam ka king asawa mu at mengan king bunga ning tanaman a binawal kung kanan mu, misumpa ya ing gabun uli mu. Kailangan kang magal ba mung apangan ing bunga na kabang mabie ka.

Kanita kitang na ning Dios, Ninu waring sinabi kekang lubas ka? Mengan ka king bunga na ning tanaman a binawal kung kanan mo?

Tinabi ne king mulahan ing tau at dela ne king bandang aslagan na ning Mula ning Eden at mibili yang kerubin at metung a espadang milalablab mamarap nu man karin ban magbante king dalan papunta king tanaman na ning bie.

Pemalagyuan neng Eva ning lalaki ing asawa na uling ya ing meging ima na ning meto ketawan.