Popular Bible Verses from Ioanes 1

Deildu

Eala moli egiteu la valalua me hatavivile tomi te la maututula tomi ale taho tavu eia, me ale egite toro sesele te la isala, eia ge puhi tigi egiteu veia egite ge goilo mai e latatu La Tahalo Uru sesele.

Alaura te baruata, te la silokola sesele, La Vikarara La Mahulila eia pouti, me La Vikarara La Mahulila egira vipou tomi me La Tahalo Uru, eala moli egira me La Tahalo Uru visauru sesele.

Eala moli la matagaga eia paga vei la maligoma, me la maligoma kama koramulia ge pigi roboa.

Tio, La Vikarara La Mahulila eia sibitala mai la tahalo, me eia mahuli vikapopoti etatoue. Me ale amite hilo la marasala mai e Latu La Tahalo Uru sesele. La gilogo me la merera ale sesele, eia volu oio tetala.

Eia sesele vipou la papaga tomi, la paga isa kama gege veia eia kama vipoua, ouka. Me la mahuli eia pou tetala, la mahulila aleie, eia la matagaga te la valalua me hatavivile tomi.

Goio, mai galigeli maie, e Ioanes hilo e Iesus tatuga somai tetala, eia turitia giteu ele mago “Malele, amuto ge hilo e Latu La Sip te La Tahalo Uru, ale ge abi taro la iruru tomi te la valalua me hatavivile te la maututula tomi.

Sesele, eia vipou tomiti la golugolu tomi, mulimuli eia gomai pouti otalo te la maututulae, eala moli egite la valalua me hatavivile tomi te la maututula kama mata kilala tetala veia eia ere tahalo. Ale eia gomai tavuti egiteu e valaluala sesele e Iuda, eala moli egiteu e valaluala igo piagale molia.

La Vikarara La Mahulila, eia la matagaga sesele veia ge vimatagaga la valalua me hatavivile tomi isasasa te la maututula.

La vuhula maie: E Moses eia la vuhu la vikarara la viputumulila, eala moli e Iesus Kraist eia la vuhu la gilogo me la vikarara la seselela.