Popular Bible Verses from Yoni 17

Deildu

Ka lamana'a ya'ma komopa'anigu limilina'a yamofitu enele'mo eto hubo. Kai kaka ya'ma lamana'a ni'ibe.

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

To enali kumuko menolube. Bona'i luga'amagi pana'alobo'nimagihi ka lamana'amu mege'i melelata hite nanitoga keheli ule'ale hilana bona'i enali kumu kaitoga koloka nohobe. Komopa'ani hepito minela minela hite minalabe luto lu nokumube. Ke, Afo'niga. Kai to nani hiti minetogo nani to kai hiti mino mone huto minalu'ibe. To enali ana hite le'alitoga mine melenogo mino mone huto minalune. Ya hilenogo melugu bona'i kaika noho lifitogo limi'ohuna yamofihi keheli ule'ale hilabe.

Kaika nani bona'ni enele'moto kokulumalugu tilane luto menolube. Melugu minenogo bo foipa'a Satau luba huto enoho lalibe luto ya'ma kaba hu epalalane luto lu nokumube.

Le'ali komopati'a moneko legege huto ni'ibe. Ana huto enali komopa'ani moneko legege hinogo minalabe luto sekele mamu'a hiti fana mehaka nimi'ahata ya'ma ana huto epi'ohube. Nani nemehi epugo to enali enemehi nimilago enali komopa'anitu mu tifite moneko lolo hite minalabe. Ya hilete nehinogo melugu bona'magi enali noho lifitogo limi'ohunamofihi keheliya ilabe. To komopaka nanitoga mololata nohata nasanauba pana'alobo'ni enalitoga ana huto komopaka mololata yanamofihi melugu bona'magi be gelete keheliya ilabe.