Popular Bible Verses from Yoni 10

Deildu

Baukalo bona'uba tilube'mu nohuto sipisipi yagamagihi enele'mo sibina huto gumina liloto enoho fililina'mu nohibe. Nani enehe'malube luto enubuto bilube'mu o'ohunagihe. Ya nohuto mino kosaba huse'i epilube'mu nohugo enali minomo buto minose'na'a lilete asaga'i hetofa hite minalabe.

Nani sipisipi yagamagita kaba bo'ani bati'a nohube. Nani ya'ma kaba bo'ani nohuto'ni sipisipi kumu fililube luto enubuto biluna ya'ma nani nohube.

To sipisipi yaga'nimagi nogo'ni kehelilata nehabe. Nani enali kumu keheliya igo nemege'i mele'ahana.

Ya'ma yagapana'nimagi mino kosaba huse'na epilube luto mefilise mineme bite minalabe. Nani enunu ki'ohunaguti fato bouba nebe mesililina'mu yabe.

Nani kafe legi huto nohube. Bona'magi nele'mo felu mehese tite nehago Hu'mau enubuto bito kaba hu epalalina'mu yabe. Ana bona'magi fegutoga bilete nonugu tilete ya'ma bite ete hite'ani sipisipi yagamagihi suhi hite nose'na nelata nehabe.

Nani sipisipi yaga kaba bo'ani bati'a nohube. Afo'nifu nani kumu keheli'ehibe. To nani ana huto ai kumu keheli'ohube. Ya nohuto'ni sipisipi yaga'ni enali kumu ana huto akeheli'ohuna yabe. To enali ana hite nani kumu akeheli'ahana yabe. To nani enali kumu enubuto bito fililube'mu nohube luto lu molo'ohube.

Ya'ma yagapana'ni nimi'ehina bo, Afo'nifu ai asaga'i enebe ligi'ehina. To kaba hu epolo'ehinaguti fato bo moneuba oto be mesililina'mu yabe. Afo'nifu hiti nani hiti moneko babeyafalo nohu'ibe.

Nani sipisipi yaga kaba bo'ani bati'a nohube. Afo'nifu nani kumu keheli'ehibe. To nani ana huto ai kumu keheli'ohube. Ya nohuto'ni sipisipi yaga'ni enali kumu ana huto akeheli'ohuna yabe. To enali ana hite nani kumu akeheli'ahana yabe. To nani enali kumu enubuto bito fililube'mu nohube luto lu molo'ohube.

Bona'i moneuba noho fililube'mu nohuto nemeha'ni li he'mi menetalina'mu yabe. Enali kumu fililube luto nani'ni liluna malaluna ni'ibe. To nemeha'ni li he'milufi to li he'miloto aku'i lilube yanamofihi nani foya'ni ni'ibe. Ya'ma Afo'nifu ya hubo luto lu nimi'ehina kaga keheli emi'ohube, luto Yesu lu'ehina yabe.

Yesu ka mone hiti aku'i lu epi'ehina: Ma'naka lu nolepube. Nani'ni sipisipi yagamofihi komoge'namofihi kafemo nohube.

To bo kaba huse'namofihi lili'nalo efatoko lilina bo ya'ma sipisipi yaga ai'a lusi kaba bo menohina'a to kaba hu bati menohibe. Ai sipisipi yaga hiti ketoloto minoto'a to lopi kala moneuba hagulu tilube'mu ago ya'ma kaba bo bu goto sipisipi yaga he'mi epoloto mele'isi koli nofalago lopi kalauba enohoto nalube'mu nohigo sipisipi yagamagi bu gete tili tele hilata nehabe.

Yesu mone kaga lu epi'ehina: Nani ma'naka lu nolepube. Bona'i moneuba sipisipi yagamagihi bihu kasito metise buto folaganuguti leke ho limito baukalo bo to lubalo bo nohibe.