Popular Bible Verses from JOHN 15

Deildu

Grep biding de ang se, nisi bedep se. Sere aniha dongpha du, angbo boni ha dongpha du. Odese bo gabang bathai thai ma, bede thikhala ani phrang degao hi dongkha de nisi musibo khlaiphu nang niya.

Aniha dongpha, angbo nisi niha dongpha nang. Bedep buphangma ha dongphaya thikhade, jar jang de bathai thai phuya. Olei ning nisibo aniha dongphaya thikhade bathai thaiphu nang niya.

Jodi aniha nisi dongpha la, ode ani grao nisi niha dong ma, odese snadi khe nangjao ba sain lah, ode bo nisi ni khlai hi ja ma.

Ning ang khe saikhoya, thikhabo ang se ning khe saikho ba, ode yaopha ba, ning thanghi bathai thai ma, bo bathai suiyaba ja ma. Odese snadi khe nisi ani bumu jang sain du, bokhe nisi ne Abai ri nang.

Hamjaoma tha dedao hi de musibo giri. Odebani bo jarni luguni khlai hi jarni hang khebo riphu du.

aniha dong phayaba bedep ha bathai thaiya kha de bokhe bo dainphai khla du, ode bathai thaiyaba bedep khe bo bosophai re, odese bangdao hi thai ma.

Ani hukhum ebo se, ang nisi khe hamjao ba lai jasosi, nisibo saosi jang saosi khe hamjao lah.

Ani Abai ni muima ebo jang se ja ba, ning gabang bathai thai ri lah, odese ning ani rikphayasa ja ma.

Gibiyaba grep biding ang se. Ode ani Abai bari khe naisoyaba se.

Jodi sere aniha dongphaya thikhade bo bedep lai dangkhlaima se, ode rain ma, ode bokhe khonthim hi wai ha dangsing hi saokhrip re.

Ang ebo khe nisi ne thiba de nisi niha ani khajathai phura jamane, ar nisi ni khajathai phura jamane khlai hi.

Bede thikhade ning ani hukhum khe mani kha de, ani hamjaoma ha dong lah, bedehe ang jarni Bupha ni hukhum khe maniba ar boni hamjaoma ha ang dong ba lai jasosi.

Ani hukhum ebo se, saosi jang saosi khe hamjao lah.

Jodi ning habsao ni se thikhade, habsao jarni lai bo nisi khe hamjao ma se. Eboni khlai hi nisi habsao ni niya kha, bede thikhala ang nisi khe habsao ni phrang saikho la kha. Odebani se habsao nisi khe naisle ba.