A tekst disi kmoto fu: Wortu fu Gado © Surinaams Bijbelgenootschap 2016 Recording of Old Testament ℗ Hosanna, 2021

Sranan Tongo - 2016 SURBS (OT) Non Drama

<div class="version vid3984 iso6393srn" data-vid="3984" data-iso6393="srn">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kain nanga Abel</div><div class="p"> 1Dan a man sribi nanga en uma. A uma hori bere &#232;n a kisi Kain.#4:1 Ini a Hebrewtongo a wortu Kain gersi a wortu san wani taki: gi libi na. A taki: &#8220;Na MASRA yepi mi fu mi kisi wan manpikin.&#8221; 2Baka dati a kisi ete wan manpikin di a kari Abel.#4:2 Ini a Hebrewtongo a wortu Abel gersi a wortu san wani taki: Bro. Abel ben e kweki skapu. Kain ben e prani gron. 3Baka wan pisten Kain tyari wan ofrandi gi MASRA fu den sani san a ben prani. 4Abel ben tyari wan ofrandi tu. A srakti den fosi pikin di den skapu ben meki, dan a gi den moro bun pisi meti fu den leki ofrandi. MASRA ben abi prisiri nanga a ofrandi fu Abel, 5ma A no ben abi prisiri nanga a ofrandi fu Kain. Ne Kain atibron taki en fesi kenki. 6Ne MASRA aksi Kain taki: &#8220;Fu sanede yu ati e bron &#232;n fu sanede yu langa yu fesi so? 7Efu yu e du bun, yu kan opo yu ede. Ma efu yu no e du bun, a sondu e didon luru yu na mofodoro. A e angri fu de yu basi, ma na yu mus basi en.&#8221; 8Dan Kain taigi en brada Abel: &#8220;Kon meki wi go na gron.#4:8 Na so son owru vertaling abi en. A pisi disi no de ini a Hebrewtekst.&#8221; Di den ben de ini a gron, Kain kiri en brada Abel. 9Ne MASRA aksi Kain taki: &#8220;Pe yu brada Abel de?&#8221; Kain piki taki: &#8220;Mi no sabi. Na mi mus hori ai na tapu mi brada?&#8221; 10Ne MASRA aksi en taki: &#8220;San yu du? Arki, a brudu fu yu brada e bari kari Mi fu a gron. 11Fu dat'ede Mi e fluku yu. Mi e yagi yu kmoto fu a gron di swari a brudu fu yu brada di yu kiri. 12Te yu o wroko a gron a no sa gi yu noti moro. Yu o waka lontu na grontapu leki wan man di no abi tanpe. Yu o gersi wan loweman.&#8221; 13Ne Kain piki MASRA taki: &#8220;A strafu hebi moro leki san mi man tyari. 14Tye, Yu e yagi mi gwe tide fu a gron &#232;n Yu no sa luku mi moro. Mi sa waka lontu na grontapu leki wan man di no abi tanpe. Mi o gersi wan loweman. Ala sma di miti mi o wan kiri mi.&#8221; 15Ma MASRA taigi en taki: &#8220;Kwet'kweti. A sma di kiri Kain, sa butu seibi tron.&#8221; Dan MASRA poti wan marki gi Kain, taki no wan sma di miti en ben o kiri en. 16So Kain prati nanga MASRA. A go libi ini a kondre Nod,#4:16 Nod wan taki: waka lontu sondro fu sabi pe yu e go. di ben de na oostsei fu Eden.</div><div class="p"> 17Dan Kain sribi nanga en uma. A uma hori bere, dan a kisi Henok. A pisten dati Kain ben e bow wan foto, dan a gi a foto a nen fu en manpikin Henok. 18Henok ben de a p'pa fu Irad, &#232;n Irad ben de a p'pa fu Mekuyael. Mekuyael ben de a p'pa fu Metusael &#232;n Metusael ben de a p'pa fu Lamek. 19Lamek ben teki tu uma. A wan ben nen Ada, a trawan ben nen Sila. 20Ada kisi Yabal. Yabal ben de a fosi sma di go libi na ini tenti &#232;n di ben e kweki meti. 21En brada ben nen Yubal. Yubal ben de a fosi sma di prei gitara &#232;n di ben e bro froiti. 22Sila kisi wan manpikin tu di a kari Tubal-Kain. A ben e du a wroko fu wan smeti. En ben de a fosi sma di ben e wroko kopro nanga isri. En sisa ben nen Naama. 23Lamek ben taigi den uma fu en taki:</div><div class="q1">&#8220;Ada nanga Sila, un arki mi!</div><div class="q1">Uma fu mi, un poti yesi arki bun san mi o taigi unu.</div><div class="q1">Mi o kiri a man di gi mi mankeri,</div><div class="q1">srefi efu wan boi fasi mi.</div><div class="q1"> 24Bika a sma di du Kain wan sani o butu seibi tron,</div><div class="q1">ma a sma di du Lamek wan sani o butu seibitenti-na-seibi tron.&#8221;</div><div class="p"> 25Adam ben didon baka nanga en uma. Dan a uma kisi wan manpikin di a kari Set.#4:25 Ini a Hebrewtongo a nen Set gersi a wortu san wani taki: gi. A taki: &#8220;Gado gi mi wan tra manpikin na a presi fu Abel, di Kain kiri.&#8221; 26Set srefi kisi wan manpikin. A kari en Enos. A ten dati den sma bigin kari a nen fu MASRA te den ben e anbegi.</div>
 </div>
 </div>
</div>

Tekst © Surinaams Bijbelgenootschap 2016

Dan a man sribi nanga en uma. A uma hori bere èn a kisi Kain. A taki: “Na MASRA yepi mi fu mi kisi wan manpikin.” Baka dati a kisi ete wan manpikin di a kari Abel. Abel ben e kweki skapu. Kain ben e prani gron. Baka wan pisten Kain tyari wan ofrandi gi MASRA fu den sani san a ben prani. Abel ben tyari wan ofrandi tu. A srakti den fosi pikin di den skapu ben meki, dan a gi den moro bun pisi meti fu den leki ofrandi. MASRA ben abi prisiri nanga a ofrandi fu Abel, ma A no ben abi prisiri nanga a ofrandi fu Kain. Ne Kain atibron taki en fesi kenki. Ne MASRA aksi Kain taki: “Fu sanede yu ati e bron èn fu sanede yu langa yu fesi so? Efu yu e du bun, yu kan opo yu ede. Ma efu yu no e du bun, a sondu e didon luru yu na mofodoro. A e angri fu de yu basi, ma na yu mus basi en.” Dan Kain taigi en brada Abel: “Kon meki wi go na gron.” Di den ben de ini a gron, Kain kiri en brada Abel. Ne MASRA aksi Kain taki: “Pe yu brada Abel de?” Kain piki taki: “Mi no sabi. Na mi mus hori ai na tapu mi brada?” Ne MASRA aksi en taki: “San yu du? Arki, a brudu fu yu brada e bari kari Mi fu a gron. Fu dat'ede Mi e fluku yu. Mi e yagi yu kmoto fu a gron di swari a brudu fu yu brada di yu kiri. Te yu o wroko a gron a no sa gi yu noti moro. Yu o waka lontu na grontapu leki wan man di no abi tanpe. Yu o gersi wan loweman.” Ne Kain piki MASRA taki: “A strafu hebi moro leki san mi man tyari. Tye, Yu e yagi mi gwe tide fu a gron èn Yu no sa luku mi moro. Mi sa waka lontu na grontapu leki wan man di no abi tanpe. Mi o gersi wan loweman. Ala sma di miti mi o wan kiri mi.” Ma MASRA taigi en taki: “Kwet'kweti. A sma di kiri Kain, sa butu seibi tron.” Dan MASRA poti wan marki gi Kain, taki no wan sma di miti en ben o kiri en. So Kain prati nanga MASRA. A go libi ini a kondre Nod, di ben de na oostsei fu Eden.
Dan Kain sribi nanga en uma. A uma hori bere, dan a kisi Henok. A pisten dati Kain ben e bow wan foto, dan a gi a foto a nen fu en manpikin Henok. Henok ben de a p'pa fu Irad, èn Irad ben de a p'pa fu Mekuyael. Mekuyael ben de a p'pa fu Metusael èn Metusael ben de a p'pa fu Lamek. Lamek ben teki tu uma. A wan ben nen Ada, a trawan ben nen Sila. Ada kisi Yabal. Yabal ben de a fosi sma di go libi na ini tenti èn di ben e kweki meti. En brada ben nen Yubal. Yubal ben de a fosi sma di prei gitara èn di ben e bro froiti. Sila kisi wan manpikin tu di a kari Tubal-Kain. A ben e du a wroko fu wan smeti. En ben de a fosi sma di ben e wroko kopro nanga isri. En sisa ben nen Naama. Lamek ben taigi den uma fu en taki:
“Ada nanga Sila, un arki mi!
Uma fu mi, un poti yesi arki bun san mi o taigi unu.
Mi o kiri a man di gi mi mankeri,
srefi efu wan boi fasi mi.
Bika a sma di du Kain wan sani o butu seibi tron,
ma a sma di du Lamek wan sani o butu seibitenti-na-seibi tron.”
Adam ben didon baka nanga en uma. Dan a uma kisi wan manpikin di a kari Set. A taki: “Gado gi mi wan tra manpikin na a presi fu Abel, di Kain kiri.” Set srefi kisi wan manpikin. A kari en Enos. A ten dati den sma bigin kari a nen fu MASRA te den ben e anbegi.

Listen to Genesis 4