Ekegusii - 1990 KENBS (NT) Drama

<div class="version vid2771 iso6393guz" data-vid="2771" data-iso6393="guz">
 <div class="book bkJHN">
 <div class="chapter ch18" data-usfm="JHN.18">
 <div class="label">18</div><div class="s1">Okobwatwa kwa Yeso</div><div class="r">(Mat 26:47&#8211;56; Mar 14:43&#8211;50; Luk 22:47&#8211;53)</div><div class="p"> 1Yeso gakwanire amang&#8217;ana aya, akaimoka amo naborokigwa baye kogenda ng&#8217;umbu y&#8217;akarooche Kedron, aase omogondo orenge. Ere na aborokigwa baye bagasoa aroro. 2Na Yudas, oria omoruete naamanyete aase aria, ekiagera Yeso are kogenda aroro ekero ase ekero amo naborokigwa baye. 3Nabo Yudas gaikire konyora omoganda bw&#8217;abarwani, na abarendi baruete ase abakuani abanene na Abafarisai, akagenda aroro ne chitaya na ebieri, na ebinto bi&#8217;esegi. 4Nabo Yeso, kamanyete onsi ayagochia komonyora, akaoroka, akababoria, &#8220;Ning&#8217;o mokorigia?&#8221; 5Bakamoiraneria, &#8220;Yeso Omonazareti.&#8221;</div><div class="p">Yeso akabatebia, &#8220;Ninche ere.&#8221;</div><div class="p">Yudas nere oyomoruete nigo ateneine amo nabarabwo. 6Nabo ekero Yeso achia kobatebia, &#8220;Ninche ere,&#8221; bakairana nyuma, bagaaka inse. 7Akababoria eria kabere, &#8220;Ning&#8217;o mokorigia?&#8221;</div><div class="p">Bakabora, &#8220;Yeso Omonazareti.&#8221;</div><div class="p"> 8Yeso akairaneria, &#8220;Naikire kobatebia ng&#8217;a ninche ere; nabo onye mokondigia inche, batige aba bagende.&#8221; 9Erio riikeranigwe ring&#8217;ana riria akwanete, &#8220;Aba kwang&#8217;ete tinsireti nonya noyomo obo.&#8221;</div><div class="p"> 10Nabo Simion Petero narenge nomoyio o birende, akayong&#8217;usa, agaaka omosomba bw&#8217;omokuani omonene, akamobutora ogoto kwaye gw&#8217;okorio. Na omosomba oria erieta riaye nigo are korokwa Maliko. 11Erio Yeso agatebia Petero, &#8220;Irania omoyio oo ase ekerende kiaye. Inee! Egekombe eke Tata ang&#8217;eire, tinkenywera?&#8221;</div><div class="p"> 12Abarwani b&#8217;esegi amo nomotang&#8217;ani obo, na abarendi baria b&#8217;Abayahudi bakabwata Yeso, bakamosiba. 13Erio bakamoira ritang&#8217;ani ase Anasi oyorenge ise biara Kayafa, oria orenge omokuani omonene omwaka oria. 14Na Kayafa nere oete Abayahudi amang&#8217;ana ng&#8217;a negwenerete omonto oyomo akwe ase engencho y&#8217;abanto.</div><div class="s1">Petero ogokana Yeso, na omokuani omonene okomoboria</div><div class="r">(Mat 26:59&#8211;75; Mar 14:54&#8211;72; Luk 22:55&#8211;71)</div><div class="p"> 15Simion Petero na omworokigwa onde bagatunyana Yeso. Omworokigwa oria onde nigo amanyekanete nomokuani omonene, agasoa amo na Yeso ase egoora y&#8217;omokuani omonene, 16korende Petero agatenena gesieri isiko. Nabo omworokigwa oria onde, oyomanyekanete nomokuani omonene agasoka agakwana nomoiseke orenge korenda gesieri, akarenta Petero ime. 17Erio omoiseke oria orenge korenda gesieri akaboria Petero, &#8220;Aye tori oyomo bw&#8217;aborokigwa baye omonto oyo?&#8221;</div><div class="p">Ere agakana, &#8220;Tari inche.&#8221;</div><div class="p"> 18Abasomba baria na abarwani nigo barenge bateneine, bautete omorero bw&#8217;amakara, ekiagera obokendu mbwarenge, bakaba ngwota bare omorero. Petero nere nigo arenge amo nabarabwo, ogwota omorero.</div><div class="p"> 19Erio omokuani omonene akaboria Yeso amang&#8217;ana igoro y&#8217;aborokigwa baye, na amang&#8217;ana &#8217;okworokereria kwaye. 20Yeso akamoiraneria, &#8220;Inche nakwanire nense maiso marore. Amatuko onsi nigo narenge kworokereria ase chisinagogi na ase Hekalu, aase Abayahudi bonsi baare gosangererekana, gose tintebeti ing&#8217;ana bobisi. 21Nase ki okomboria? Boria baria baigwete aya nakwanete nabarabwo; barabwo mbamanyete aya nabatebetie.&#8221;</div><div class="p"> 22Gachia gokwana amang&#8217;ana aya, oyomo bw&#8217;abarendi baria oteneine ang&#8217;e, agaaka Yeso oroe, akabora, &#8220;Naboigo okoiraneria omokuani omonene?&#8221;</div><div class="p"> 23Yeso akamoiraneria, &#8220;Onye nakwana bobe, orokia obobe boria, korende onye nakwana buya, ninki okong&#8217;akera?&#8221;</div><div class="p"> 24Nabo Anasi akamoira osibire ase Kayafa, omokuani omonene.</div><div class="p"> 25Na Simion Petero nigo arenge oteneine ogwota omorero. Bakamotebia, &#8220;Aye boigo tori oyomo bw&#8217;aborokigwa baye?&#8221;</div><div class="p">Ere agakana, akabora, &#8220;Tari inche.&#8221;</div><div class="p"> 26Oyomo bw&#8217;abasomba b&#8217;omokuani, omoamate bw&#8217;oria onachetwe ogoto na Petero, akabora, &#8220;Inche tinakoroche ime ase omogondo amo nere?&#8221;</div><div class="p"> 27Petero agakana naende. Erio kegima etuoni ekabuga.</div><div class="s1">Yeso ase obosio bwa Pilato gavuna o Rumi</div><div class="r">(Mat 27:1&#8211;2,11&#8211;14; Mar 15:1&#8211;5; Luk 23:1&#8211;5)</div><div class="p"> 28Erio bakaira Yeso korwa ase Kayafa goika enyomba enene y&#8217;ekegambero. Bokaba bogokiamoka, na barabwo abanyene tibasoa ime ase ekegambero, tibabaisa gocha kobekwa ogotacheneka korende bararia Epasaka. 29Erio Pilato akabachiera isiko, akababoria, &#8220;Ngosoera ki mobwate ase omonto oyo?&#8221;</div><div class="p"> 30Bakairaneria, &#8220;Onye oyo atarenge omokori amabe, anga titwamorenta asore.&#8221;</div><div class="p"> 31Erio Pilato akabatebia, &#8220;Moire inwe, momogambie ase ogochika kwaino.&#8221;</div><div class="p">Abayahudi bakamotebia, &#8220;Intwe titori ne ribaga goita omonto.&#8221; 32Erio ring&#8217;ana ria Yeso riikeranigwe, eri akwanete ase okoorokia imakweri ki aranyare gokwa.</div><div class="p"> 33Erio Pilato agasoa ekegambero naende, akarangeria Yeso, akamoboria, &#8220;Inee! Naye omoruoti bw&#8217;Abayahudi?&#8221;</div><div class="p"> 34Yeso akairaneria, &#8220;Naye gwatebire ayio aye omonyene, gose nabanto bande bagotebirie amang&#8217;ana aya igoro yane?&#8221;</div><div class="p"> 35Pilato akairaneria, &#8220;Inee! Inche n&#8217;Omoyahudi nde? Abanto b&#8217;egesaku kiao na abakuani abanene bakorentire asende. Inki gwakorete?&#8221;</div><div class="p"> 36Yeso akairaneria, &#8220;Oboruoti bwane tibori obw&#8217;ense eye. Onye oboruoti bwane mbwarenge obw&#8217;ense eye, abasomba baane anga mbandwanerera, tinyara kobekwa ase amaboko &#8217;Abayahudi, korende bono oboruoti bwane ti bori obw&#8217;aa.&#8221;</div><div class="p"> 37Erio Pilato akamoboria, &#8220;Aye nomoruoti rende?&#8221;</div><div class="p">Yeso akairaneria, &#8220;Aye gwatebete ng&#8217;a inche nomoruoti. Inche nigo naiboretwe ase engencho y&#8217;aya, na ase engencho y&#8217;aya, ngacha ase ense, erinde imbe kirori ase ekeene. Kera oyore oyo bw&#8217;ekeene nigo akoigwa eriogi riane.&#8221;</div><div class="p"> 38Pilato akamoboria, &#8220;Ekeene ngento ki?&#8221;</div><div class="p">Gakwanire ring&#8217;ana eri agachiera Abayahudi isiko eria kabere, akabatebia, &#8220;Inche tindochi bobe bonde asare. 39Korende inwe more nengencho ng&#8217;a nabasiborera omonto oyomo ase ekero ki&#8217;Epasaka; nabo morigetie mbasiborere Omoruoti bw&#8217;Abayahudi?&#8221;</div><div class="p"> 40Erio bagaaka eriogi naende, bakabora, &#8220;Tari oyo, korende Baraba!&#8221; Baraba ere nigo arenge omouri.</div>
 </div>
 </div>
</div>

OLD EKEGUSII BIBLE PROTESTANT EDITION ©Bible Society of Kenya, 2020

Yeso gakwanire amang’ana aya, akaimoka amo naborokigwa baye kogenda ng’umbu y’akarooche Kedron, aase omogondo orenge. Ere na aborokigwa baye bagasoa aroro. Na Yudas, oria omoruete naamanyete aase aria, ekiagera Yeso are kogenda aroro ekero ase ekero amo naborokigwa baye. Nabo Yudas gaikire konyora omoganda bw’abarwani, na abarendi baruete ase abakuani abanene na Abafarisai, akagenda aroro ne chitaya na ebieri, na ebinto bi’esegi. Nabo Yeso, kamanyete onsi ayagochia komonyora, akaoroka, akababoria, “Ning’o mokorigia?” Bakamoiraneria, “Yeso Omonazareti.”
Yeso akabatebia, “Ninche ere.”
Yudas nere oyomoruete nigo ateneine amo nabarabwo. Nabo ekero Yeso achia kobatebia, “Ninche ere,” bakairana nyuma, bagaaka inse. Akababoria eria kabere, “Ning’o mokorigia?”
Bakabora, “Yeso Omonazareti.”
Yeso akairaneria, “Naikire kobatebia ng’a ninche ere; nabo onye mokondigia inche, batige aba bagende.” Erio riikeranigwe ring’ana riria akwanete, “Aba kwang’ete tinsireti nonya noyomo obo.”
Nabo Simion Petero narenge nomoyio o birende, akayong’usa, agaaka omosomba bw’omokuani omonene, akamobutora ogoto kwaye gw’okorio. Na omosomba oria erieta riaye nigo are korokwa Maliko. Erio Yeso agatebia Petero, “Irania omoyio oo ase ekerende kiaye. Inee! Egekombe eke Tata ang’eire, tinkenywera?”
Abarwani b’esegi amo nomotang’ani obo, na abarendi baria b’Abayahudi bakabwata Yeso, bakamosiba. Erio bakamoira ritang’ani ase Anasi oyorenge ise biara Kayafa, oria orenge omokuani omonene omwaka oria. Na Kayafa nere oete Abayahudi amang’ana ng’a negwenerete omonto oyomo akwe ase engencho y’abanto.


Simion Petero na omworokigwa onde bagatunyana Yeso. Omworokigwa oria onde nigo amanyekanete nomokuani omonene, agasoa amo na Yeso ase egoora y’omokuani omonene, korende Petero agatenena gesieri isiko. Nabo omworokigwa oria onde, oyomanyekanete nomokuani omonene agasoka agakwana nomoiseke orenge korenda gesieri, akarenta Petero ime. Erio omoiseke oria orenge korenda gesieri akaboria Petero, “Aye tori oyomo bw’aborokigwa baye omonto oyo?”
Ere agakana, “Tari inche.”
Abasomba baria na abarwani nigo barenge bateneine, bautete omorero bw’amakara, ekiagera obokendu mbwarenge, bakaba ngwota bare omorero. Petero nere nigo arenge amo nabarabwo, ogwota omorero.
Erio omokuani omonene akaboria Yeso amang’ana igoro y’aborokigwa baye, na amang’ana ’okworokereria kwaye. Yeso akamoiraneria, “Inche nakwanire nense maiso marore. Amatuko onsi nigo narenge kworokereria ase chisinagogi na ase Hekalu, aase Abayahudi bonsi baare gosangererekana, gose tintebeti ing’ana bobisi. Nase ki okomboria? Boria baria baigwete aya nakwanete nabarabwo; barabwo mbamanyete aya nabatebetie.”
Gachia gokwana amang’ana aya, oyomo bw’abarendi baria oteneine ang’e, agaaka Yeso oroe, akabora, “Naboigo okoiraneria omokuani omonene?”
Yeso akamoiraneria, “Onye nakwana bobe, orokia obobe boria, korende onye nakwana buya, ninki okong’akera?”
Nabo Anasi akamoira osibire ase Kayafa, omokuani omonene.
Na Simion Petero nigo arenge oteneine ogwota omorero. Bakamotebia, “Aye boigo tori oyomo bw’aborokigwa baye?”
Ere agakana, akabora, “Tari inche.”
Oyomo bw’abasomba b’omokuani, omoamate bw’oria onachetwe ogoto na Petero, akabora, “Inche tinakoroche ime ase omogondo amo nere?”
Petero agakana naende. Erio kegima etuoni ekabuga.


Erio bakaira Yeso korwa ase Kayafa goika enyomba enene y’ekegambero. Bokaba bogokiamoka, na barabwo abanyene tibasoa ime ase ekegambero, tibabaisa gocha kobekwa ogotacheneka korende bararia Epasaka. Erio Pilato akabachiera isiko, akababoria, “Ngosoera ki mobwate ase omonto oyo?”
Bakairaneria, “Onye oyo atarenge omokori amabe, anga titwamorenta asore.”
Erio Pilato akabatebia, “Moire inwe, momogambie ase ogochika kwaino.”
Abayahudi bakamotebia, “Intwe titori ne ribaga goita omonto.” Erio ring’ana ria Yeso riikeranigwe, eri akwanete ase okoorokia imakweri ki aranyare gokwa.
Erio Pilato agasoa ekegambero naende, akarangeria Yeso, akamoboria, “Inee! Naye omoruoti bw’Abayahudi?”
Yeso akairaneria, “Naye gwatebire ayio aye omonyene, gose nabanto bande bagotebirie amang’ana aya igoro yane?”
Pilato akairaneria, “Inee! Inche n’Omoyahudi nde? Abanto b’egesaku kiao na abakuani abanene bakorentire asende. Inki gwakorete?”
Yeso akairaneria, “Oboruoti bwane tibori obw’ense eye. Onye oboruoti bwane mbwarenge obw’ense eye, abasomba baane anga mbandwanerera, tinyara kobekwa ase amaboko ’Abayahudi, korende bono oboruoti bwane ti bori obw’aa.”
Erio Pilato akamoboria, “Aye nomoruoti rende?”
Yeso akairaneria, “Aye gwatebete ng’a inche nomoruoti. Inche nigo naiboretwe ase engencho y’aya, na ase engencho y’aya, ngacha ase ense, erinde imbe kirori ase ekeene. Kera oyore oyo bw’ekeene nigo akoigwa eriogi riane.”
Pilato akamoboria, “Ekeene ngento ki?”
Gakwanire ring’ana eri agachiera Abayahudi isiko eria kabere, akabatebia, “Inche tindochi bobe bonde asare. Korende inwe more nengencho ng’a nabasiborera omonto oyomo ase ekero ki’Epasaka; nabo morigetie mbasiborere Omoruoti bw’Abayahudi?”
Erio bagaaka eriogi naende, bakabora, “Tari oyo, korende Baraba!” Baraba ere nigo arenge omouri.

Listen to YOHANA 18